දසුන් ශානක ගැන ක්රිකට් තේරීම් කමිටුව ගත් තීරණය මෙන්න
එළඹෙන ලෝක කුසලාන එක්දින ක්රිකට් තරගාවලියේ දී ද ශ්රී ලංකා කණ්ඩායම මෙහෙයවීමේ වගකීම දසුන් ශානකට පැවරීමට ශ්රී ලංකා ක්රිකට් තේරීම් කමිටුව තීරණය කර තිබෙනවා.
අද(20) ශ්රී ලංකා ක්රිකට් ආයතනයේ දී පැවැති රැස්වීමෙන් අනතුරුව මේ බව තීරණය කර ඇති බවයි ක්රිකට් අභ්යන්තර ආරංචි මාර්ග තහවුරු කළේ.
ඒ අනුව ලෝක කුසලාන ක්රිකට් තරගාවලිය අවසන් වනතුරු ශ්රී ලංකා එක්දින කණ්ඩායමේ නායකත්වය තවදුරටත් දසුන් ශානක විසින් දැරීමට නියමිතයි.
ලෝක කුසලාන තරගාවලියේ දී ඔහු හා කණ්ඩායම දක්වන දක්ෂතා මත පදනම්ව දසුන් ශානක සම්බන්ධයෙන් ගනු ලබන ඉදිරි පියවර තීරණය කරනු ඇති.
පසුගිය තරග රැසකදී දසුන් ශානක පිතිකරුවෙකු ලෙස අසාර්ථක වීම මත පදනම්වයි ඔහුගේ නායකත්වය ඉදිරියට පවත්වාගෙන යන්නේ ද සම්බන්ධයෙන් ගැටලු සහගත තත්ත්වයක් පැන නැගී තිබුණේ.
කෙසේ වෙතත්, ශ්රී ලංකා ක්රිකට් ආයතනය ලෝක කුසලාන තරගාවලිය සදහා වන සංචිතය මෙතෙක් නිවේදනය කර නැහැ.
මේ අතර, වනිදු හසරංග යළි ආබාධයකට ලක්ව ඇති අතර, ඔහු හා ආබාධයකට ලක්ව සිටි දුෂ්මන්ත චමිර සම්බන්ධයෙන් ගනු ලබන ඉදිරි පියවර සම්බන්ධයෙන් ද අද පැවැති රැස්වීමේ දී සාකච්ඡා කිරීමට නියමිතව තිබූ බව සදහන්.