දකුණු අප්‍රිකාවට සහ එංගලන්තයට එරෙහි ශ්‍රී ලංකා සංචිතය ප්‍රකාශයට පත් කෙරේ

දකුණු අප්‍රිකාව සමග පැවැත්වීමට නියමිත තරග දෙකකින් යුත් ටෙස්ට් ක්‍රිකට් තරගාවලිය සදහා සහ එංගලන්තයට එරෙහි තරග දෙකකින් යුත් ටෙස්ට් ක්‍රිකට් තරගාවලිය සදහා වන ශ්‍රී ලංකා සංචිතය අද(17) පස්වරුවේ ප්‍රකාශට පත් කෙරුණා.

ඒ අනුව දිමුත් කරුණාරත්නගේ නායකත්වයෙන් යුත් සංචිතයට ක්‍රීඩකයින් 22 දෙනෙකු ඇතුළත්.

එල්.පී.එල් තරගාවලියේ දී ආබාධයකට ලක් වූ ඇන්ජෙලෝ මැතිව්ස් එංගලන්ත තරගාවලිය සදහා පමණක් නම් කර තිබෙනවා.

දකුණු අප්‍රිකා – ශ්‍රී ලංකා පළමු ටෙස්ට් තරගය ලබන 26 වනදා, එනම් බොක්සිං දින ටෙස්ට් තරගයක් ලෙස ආරම්භ වන්නේ සෙන්චූරියන්හී දීයි.

දෙවැනි ටෙස්ට් තරගය ලබන 3 වනදා ජොහැනස්බර්ග්හී දී ආරම්භ වනු ඇති.

අනතුරුව ශ්‍රී ලංකාව සහ එංගලන්තය අතර ටෙස්ට් තරගාවලිය ලබන ජනවාරි 14 වනදා ගාල්ලේ දී ආරම්භ වනවා.

ශ්‍රී ලංකා සංචිතය –
Dimuth Karunaratne – (C), Kusal Janith Perera, Dinesh Chandimal, Kusal Mendis, Angelo Mathews, Oshada Fernando, Dhananjaya De Silva , Niroshan Dickwella, Minod Bhanuka, Lahiru Thirimanne, Lasith Embuldeniya, Wanindu Hasaranga, Dilruwan Perera, Suranga Lakmal, Lahiru Kumara, Vishwa Fernando, Kasun Rajitha, Dushmantha Chameera, Dasun Shanaka, Santhush Gunathilake , Asitha Fernando, Dilshan Madushanka

You might also like