දකුණු අප්‍රිකාවට වැඩබලන නායිකාවක්
දකුණු අප්‍රිකා කාන්තා කණ්ඩායමේ වැඩබලන නායිකාව ලෙස Laura Wolvaardt පත් කර තිබෙනවා.
පාකිස්තානය සමග හා නවසීලන්තය සමග පැවැත්වීමට නියමිත සීමිත පන්දුවාර තරගාවලි වෙනුවෙනුයි මෙම පත් කිරීම සිදු කර ඇත්තේ.
පාකිස්තාන සංචාරයේදී දෙරට අතර විස්සයි විස්ස තරග 3ක් හා එක්දින තරග 3ක් පැවැත්වීමට නියමිතයි.
අනතුරුව නවසීලන්ත කණ්ඩායම දකුණු අප්‍රිකාවේ සංචාරයක නිරත වීමට නියමිත අතර, එහිදී දකුණු අප්‍රිකා කාන්තා කණ්ඩායම හා නවසීලන්ත කාන්තා කණ්ඩායම අතර 20යි 20 තරග 5ක් හා එක්දින තරග 3ක් පැවැත්වීමට නියමිතව තිබෙනවා.
නවසීලන්තයට එරෙහි තරගාවලිය ඔක්තෝබර් 15 වැනිදා අවසන් වීමට නියමිත අතර, ඉන් අනතුරුව ඇයගේ තනතුර සම්බන්ධයෙන් තීරණයක් ගනු ඇති.
සියලු එක්දින තරග අයි සී සී කාන්තා ශූරතාවලිය (ICC Women’s Championship) යටතට අයත් වනවා.
Wolvaardt වැඩබලන නායිකාව ලෙස පත් කිරීමට කටයුතු කර ඇත්තේ මෙතෙක් නායිකාව ලෙස කටයුතු කළ Sune Luus සිය ධූරයෙන් ඉල්ලා අස් වීම හේතුවෙන්.