Ultimate magazine theme for WordPress.

තාවකාලිකව ක්‍රිකට් තහනම් වූ තිදෙනා දිවයිනට

ශ්‍රී ලංකා ක්‍රිකට් කණ්ඩායමේ උප නායක කුසල් මෙන්ඩිස්, නිරෝෂන් දික්වැල්ල සහ ධනුෂ්ක ගුණතිලක අද(29) දහවල් දිවයිනට පැමිණ තිබෙනවා.

ඒ, එංගලන්ත තරග සංචාරයේ දී ජෛව ආරක්ෂිත බුබුල උල්ලංඝනය කරමින් කටයුතු කිරීම නිසා ඔවුන්ට එරෙහිව ශ්‍රී ලංකා ක්‍රිකට් ආයතනය තාවකාලික ක්‍රිකට් තහනමක් පැනවීමට තීරණය කිරීම හේතුවෙන්.

දිවයනට පැමිණි ක්‍රීඩකයින් තිදෙනා මීගමුව ප්‍රදේශයේ හෝටලයකදී දින 14ක් නිරෝධායනයට ලක් කෙරෙනු ඇති.

ඔවුන් තිදෙනා ඩර්හැම් නුවර රාත්‍රී කාලයේ දී මාර්ගයක ගමන් කරන ආකාරය ඇතුළත් වීඩියෝ දර්ශන සමාජ මාධ්‍ය ඔස්සේ හුවමාරු වූ අතර, ඉන් අනතුරුවයි ඒ පිළිබද විමර්ශන ආරම්භ කෙරුණේ.

විමර්ශන අවසන් වන තුරු ඔවුන්ට එරෙහිව තාවකාලික ක්‍රිකට් තහනම පනවා තිබෙනවා.

You might also like
logo