තවත් ප්‍රබල ඉන්දීය ක්‍රීඩකයෙකුට ශ්‍රී ලංකා තරගාවලිය අහිමි වෙයි
ඉන්දීය වේග පන්දු යවන ක්‍රීඩක දීපක් චහාර්ට ශ්‍රී ලංකාව සමග ආරම්භ වීමට නියමිත පන්දුවාර 20යි 20 ක්‍රිකට් තරගාවලිය ක්‍රීඩා කිරීමේ අවස්ථාව අහිමි වී ඇති බව එරට මාධ්‍ය වාර්තා කරනවා.
මේ සම්බන්ධයෙන් ඉන්දීය ක්‍රිකට් ආයතනය මෙතෙක් නිල නිවේදනයක් නිකුත් කර නොමැති නමුත්, ඉන්දීය මාධ්‍ය වාර්තා කරන්නේ දකුණු පාදයේ සිදුව ඇති ආබාධය හේතුවෙන් ඔහුට සති 6ක පමණ කාලයක් ක්‍රීඩාවෙන් ඉවත් වීමට සිදුව ඇති බවයි.
මේ වන විටත් ඔහු ඉන්දීය කණ්ඩායමේ ජෛව ආරක්ෂිත බුබුලෙන් ඉවත්ව ඇති බව ද සදහන්.
බටහිර ඉන්දීය කොදෙව් කණ්ඩායම සමග පැවැති තෙවැනි හා අවසන් 20යි 20 තරගයේ දී පන්දු යවමින් සිටියදී යි චහාර් මෙම ආබාධයට මුහුණ දුන්නේ.
ආබාධය සිදු වන අවස්ථාව වන විට දීපක් චහාර් පන්දුවාර 1.5ක් තුළ ලකුණු 15කට කඩුලු 2ක් දවා ගැනීමට සමත්ව තිබුණා. (ආබාධය සිදු වූ අයුරු පහතින් නරඹන්න)
මේ අතර, ශ්‍රී ලංකාවට එරෙහි 20යි 20 තරගාවලිය අරමුණු කර ගනිමින් ඉන්දීය කණ්ඩායම මේ වන විට ලක්නව් හී දී සිය පුහුණුවීම් කටයුතු ද ආරම්භ කර තිබෙනවා.
දෙරට අතර පැවැත්වෙන තරග 3කින් යුත් 20යි 20 තරගාවලියේ පළමු තරගය එළඹෙන 24 වනදා ලක්නව් හී දී පැවැත්වීමට නියමිතයි.
ඉන්දීය 20යි 20 සංචිතය –
Rohit Sharma (C),Ruturaj Gaikwad, Shreyas Iyer, Surya Kumar Yadav, Sanju Samson, Ishan Kishan (wk), Venkatesh Iyer, Deepak Chahar, Deepak Hooda, R Jadeja, Y Chahal, R Bishnoi, Kuldeep Yadav, Mohd. Siraj, Bhuvneshwar Kumar, Harshal Patel, Jasprit Bumrah(VC), Avesh Khan
Prep mode 🔛 #TeamIndia hit the ground running as they gear up for the @Paytm #INDvSL T20I series. 💪 👍 pic.twitter.com/pcRxQYiJMw
— BCCI (@BCCI) February 22, 2022
— Addicric (@addicric) February 20, 2022