තමිම් හා මහ්මුදුල්ලාහ් එක්දින සංචිතයට ; ක්‍රීඩකයින් රැසක් විවේක ගන්වයි
ලබන සතියේ දී ආරම්භ වන නවසීලන්තයට එරෙහි එක්දින ක්‍රිකට් තරගාවලියේ පළමු තරග දෙක සදහා වන බංග්ලාදේශ සංචිතය නිවේදනය කර තිබෙනවා.
ජ්‍යෙෂ්ඨ ක්‍රීඩකයින් වන තමිම් ඉක්බාල් හා මහ්මුදුල්ලාහ් එක්දින සංචිතය සදහා යළි කැදවීමටයි පියවර ගෙන ඇත්තේ.
ශකිබ් අල් හසාන්, මුෂ්ෆිකර් රහීම්, මෙහිදි හසාන් මිරාස්, ටස්කින් අහ්මඩ්, හසාන් මහ්මුද් හා ශොරිෆුල් ඉස්ලාම් ලෝක කුසලාන තරගාවලිය අරමුණු කර ගනිමින් මෙම තරග දෙකෙන් විවේක ගැන්වීමට තීරණය කර තිබෙනවා.
ශකිබ් සංචිතයට ඇතුළත්ව නොමැති බැවින් කණ්ඩායමේ නායකයා ලෙස කටයුතු කිරීමට නියමිතව ඇත්තේ ලිටොන් දාස්.
ශමිම් හොසේන්, අෆිෆ් හොසේන් හා මොහමඩ් නයීම් සංචිතයෙන් ඉවත් කර තිබෙනවා.
සෞම්‍ය සාකාර්, නුරුල් හසාන් මෙන්ම මෙතෙක් එක්දින ජාත්‍යන්තර වරම් දිනා නොමැති සාකීර් හසාන්, රිෂාඩ් හොසේන් හා කලෙඩ් අහ්මඩ් යන ක්‍රීඩකයින් සංචිතයට නම් කිරීමටයි පියවර ගෙන ඇත්තේ.
දෙරට අතර පැවැත්වෙන තරග 3 කින් යුත් එක්දින ක්‍රිකට් තරගාවලිය එළඹෙන බ්‍රහස්පතින්දා (21 වැනිදා) ඩකා හී දී ආරම්භ වීමට නියමිතයි.
Bangladesh squad:
Litton Das (c), Tamim Iqbal, Soumya Sarkar, Anamul Haque, Tawhid Hridoy, Mahmudullah, Nurul Hasan, Mahedi Hasan, Nasum Ahmed, Mustafizur Rahman, Tanzim Hasan Sakib, Tanzid Hasan Tamim, Zakir Hasan, Rishad Hossain and Syed Khaled Ahmed