ටෙස්ට් ශූරතාවලියේ ප්‍රසාද ලකුණු සටහනෙන් ශ්‍රී ලංකාව තවදුරටත් පහළට
අයි.සී.සී ලෝක ටෙස්ට් ශූරතාවලියේ ප්‍රසාද ලකුණු සටහනේ පස්වැනි ස්ථානය දක්වා පසු බැසීමට ශ්‍රී ලංකාවට මේ වන විට සිදුව තිබෙනවා.
ඒ, ඉන්දියාව සමග පැවැති තරග 2කින් යුත් ටෙස්ට් තරගාවලිය තරග 0-2ක් ලෙස පරාජයට පත් වීම හේතුවෙන්.
මෙම තරගාවලිය ආරම්භ වීමට පෙර ශ්‍රී ලංකාව ප්‍රසාද ලකුණු සටහනේ පළමු ස්ථානයේ රැදී සිටි අතර, දෙවැනි ටෙස්ට් තරගය ආරම්භ වීමට පෙර ශ්‍රී ලංකාව එහි රැදී සිටියේ තෙවැනි ස්ථානයේයි.
මේ වන විට තරග 4කදී ජයග්‍රහන 2ක් වාර්තා කර ඇති ශ්‍රී ලංකාවේ ලකුණු ප්‍රතිශතය 50%ක්.
ප්‍රසාද ලකුණු සටහනේ පෙරමුණ ඔස්ට්‍රේලියාවට හිමිව ඇත්තේ 77.77% ක ලකුණු ප්‍රතිශතයකට හිමිකම් කියමින්.
ඉන්දියාව ද මේ වන විට ප්‍රසාද ලකුණු සටහනේ සිව්වැනි ස්ථානය දක්වා ඉදිරියට පැමිණ තිබෙනවා.
