ජැෆ්නා ස්ටැලියන්ස් සම හිමිකාරීත්වය Microsoft Ventures නිර්මාතෘට
ජැෆ්නා ස්ටැලියන්ස් කණ්ඩායමේ සම හිමිකරුවෙකු ලෙස තාක්ෂණික ව්‍යවසායකයෙකු වන Microsoft Ventures හි නිර්මාතෘ රාහුල් සූද් එක්වී තිබෙනවා.
Microsoft සමාගමේ අනුබද්ධිත ආයතනයක් වන Microsoft Ventures 2016 වසරේ දී යි පිහිටුවා ඇත්තේ.
යාපනය කණ්ඩායම නිකුත් කළ නිවේදනයක දැක් වුණේ ජැෆ්නා ස්ටැලියන්ස් සන්නාම සංවර්ධනයට සහාය වීම සඳහා රාහුල් සූද් ප්‍රධාන කාර්යභාරයක් ඉටු කරනු ඇති බවයි.
වොෂින්ටන්හි සියැටල් නගරය කේන්ද්‍රකරගත් Unikrn නම් ඊ ක්‍රීඩා සමාගමේ (esports entertainment platform) (esports betting and entertainment media company) සම නිර්මාතෘවරයා වන්නේ ද ඔහුයි.
සෞඛ්‍ය සේවා ව්‍යවසායකයෙකු වන Brindon Bagirathan මෙහෙය වන බ්‍රිතාන්‍ය කේන්ද්‍රකර ගත් සමූහයක් විසින් ද ජැෆ්නා ස්ටැලියන්ස් කණ්ඩායමේ හිමිකාරීත්වය දරනු ලබනවා.
ජැෆ්නා ස්ටැලියන්ස් කණ්ඩායමේ පුහුණුකරු ලෙස තිළිණ කණ්ඩම්බි කටයුතු කරන අතර, නායකයා ලෙස කටයුතු කරන්නේ තිසර පෙරේරායි.