ගාලු ටෙස්ට් තරගය ගැන ප්‍රේක්ෂකයින්ට සුබ ආරංචියක්
ශ්‍රී ලංකාව හා නවසීලන්තය අතර පැවැත්වීමට නියමිත ලෝක ටෙස්ට් ශූරතාවලියට අයත් තරග දෙකකින් යුත් ටෙස්ට් ක්‍රිකට් තරගාවලියේ පළමු තරගය නොමිලේ නැරඹීමේ අවස්ථාව ප්‍රේක්ෂකයින්ට ලබා දීමට ශ්‍රී ලංකා ක්‍රිකට් ආයතනය තීරණය කර තිබෙනවා.
පළමු තරගය සැප්තැම්බර් 18 වැනිදා ගාල්ලේ දී ආරම්භ වීමට නියමිතව ඇති අතර, මෙරට පැවැත්වෙන ජනාධිපතිවරණය හේතුවෙන් සැප්තැම්බර් 21 වැනිදා විවේක දිනයක් ලෙස ප්‍රකාශයට පත් කිරීමටයි කටයුතු කර ඇත්තේ.
ඒ අනුව සැප්තැම්බර් 18 වැනිදා සිට 23 වැනිදා දක්වා පළමු තරගය වෙනුවෙන් දින වෙන් කර ඇති තිබෙනවා.
ගාලු ක්‍රීඩාංගනයේ දොරටු අංක 4 හරහා ප්‍රේක්ෂකයින්ට ක්‍රීඩාංගනය වෙත ඇතුළු වීමට අවස්ථාව ලබා දී ඇති බවයි ශ්‍රී ලංකා ක්‍රිකට් ආයතනය සදහන් කළේ.
තරගාවලියේ දෙවැනි තරගය සැප්තැම්බර් 26 වැනිදා ගාල්ලේ දී ම ආරම්භ වීමට නියමිතයි.
මේ අතර, තරගාවලියට නම් කර ඇති තරග නිළධාරී පිළිබද තොරතුරු ද ශ්‍රී ලංකා ක්‍රිකට් ආයතනය පසුගියදා නිවේදනය කළා.
Match Referee
- Javagal Srinath – ICC Match Referee
Umpiring Panel
- Michael Gough – ICC Elite Panel Umpire
- Nitin Menon – ICC Elite Panel Umpire
- Ahsan Raza – ICC Elite Panel Umpire
- Ruchira Palliyaguruge – ICC International Panel of Umpires
- Raveendra Wimalasiri – ICC International Panel of Umpires