කෝලිගේ 100 වැනි ටෙස්ට් තරගය නරඹන්න ප්‍රේක්ෂකයින්ටත් අවසර
සංචාරක ශ්‍රී ලංකා කණ්ඩායම හා ඉන්දීය කණ්ඩායම අතර පැවැත්වීමට නියමිත තරග 2කින් යුත් ටෙස්ට් ක්‍රිකට් තරගාවලියේ පළමු තරගය නැරඹීම සදහා ප්‍රේක්ෂකයින්ට ක්‍රීඩාංගනයට ඇතුළු වීමට අවසර හිමි වන බව ඉන්දීය ක්‍රිකට් ආයතනය පවසනවා.
කොවිඩ් 19 වසංගතය හේතුවෙන් මීට පෙර තීරණය කර තිබුණේ එම තරගය ප්‍රේක්ෂක සහභාගීත්වයකින් තොරව පැවැත්වීමටයි.
කෙසේ වෙතත්, ක්‍රීඩාංගනයේ ප්‍රේක්ෂක ධාරිතාවයෙන් 50%ක පිරිසක් ක්‍රීඩාංගනයට ඇතුළු කර ගැනීමට මේ වන විට පංජාබ් ක්‍රිකට් සංගමය තීරණය කර තිබෙනවා.
දෙරට අතර පැවැත්වෙන පළමු ටෙස්ට් තරගය එළඹෙන 4 වැනිදා මොහාලි හී දී ආරම්භ වීමට නියමිතයි.
එම තරගය ඉන්දීය හිටපු නායක විරාට් කෝලි ක්‍රීඩා කරන 100 වැනි ටෙස්ට් තරගය වීම විශේෂත්වයක්.