කොල්කටා පන්දු යවන්නන් අසරණ කරමින් භානුකගෙන් නව වාර්තාවක්
ඉන්දීය ප්‍රිමියර් ලීග් ක්‍රිකට් තරගාවලියේ අට වන තරඟය අද රාත්‍රියේ මුම්බායි හි වන්කඩේ ක්‍රීඩාංගණයේ දී ආරම්භ වුණා.
ඒ කොල්කටා නයිට් රයිඩර්ස් කණ්ඩායම සහ පංජාබ් කිංග්ස් කණ්ඩායම අතරයි.
තරඟයේ කාසියේ වාසිය දිනූ කොල්කටා කණ්ඩායම පළමුවෙන් පන්දු යැවීමටයි තීරණය කළේ.
ඒ අනුව පිටියට පිවිසි පන්ජාබ් කණ්ඩායමේ පළමු කඩුල්ල ලෙස මයාන්ක් අගාර්වල් එක් ලකුණකට පළමු පන්දුවාරයේදී ම දැවී ගියා.
අනතුරුව පිටියට පිවිසි භානුක රාජපක්ෂ පන්දු 9ක් පමණක් වැය කරමින් වේගවත් ලකුණු 31 ක් රැස්කිරීමට සමත්වුණා.
ඔහුගේ ඉනිම හතරේ පහර තුනකින් සහ ශිවම් මාවිට එරෙහිව අඛණ්ඩව එල්ල කළ හයේ පහර 3 කින් වර්ණවත් වුණා.
භානුකගේ ප්‍රහාරාත්මක වේගය සටහන් වුණේ 344.44 ක් ලෙසයි.
එය පංජාබ් කණ්ඩායම වෙනුවෙන් පිතිකරුවෙකු වාර්තා කළ ඉහළම ප්‍රහාරාත්මක වේගය වීම විශේෂත්වයක්.
මීට පෙර හිටපු නායක කේ.එල් රාහුල් 2018 වසරේදී දිල්ලි කණ්ඩායමට එරෙහිව පන්දු 16කින් ලකුණු 51 ක් ලබා අදාල වාර්තාවට හිමිකම් කීවා. ඒ, 318.75 ක ප්‍රහාරාත්මක වේගයක් සටහන් කර ගනිමින්.
— cric fun (@cric12222) April 2, 2022