ක්රිස් ගේල් කොළඹට ; LPL කණ්ඩායම් පහේ ප්රධාන විදෙස් ක්රීඩකයින් මෙන්න
ලංකා ප්රිමියර් ලීග් ක්රිකට් තරගාවලියේ දෙවැනි අදියරට එක්වන විදේශීය ‘සුවිශේෂී’ කාණ්ඩයට අයත් ක්රීඩකයින් (Icon Overseas players) මේ වන විට සියලු කණ්ඩායම් විසින් තෝරා ගෙන අවසන්ව තිබෙනවා.
ඒ අනුව බටහිර ඉන්දීය කොදෙව් සුපිරි පිතිකරු ක්රිස් ගේල් කලම්බු ස්ටාර්ස් කණ්ඩායම වෙනුවෙන් ක්රීඩා කරන බවයි තරගාවලි සංවිධායකයින් නිවේදනය කළේ.
දකුණු අප්රිකාවේ ෆෆ් ඩු ප්ලෙසිස් ජැෆ්නා කිංග්ස් කණ්ඩායමේ සුවිශේෂී ක්රීඩකයා ලෙසත්, පාකිස්තානයේ මොහොමඩ් හෆීස් ගෝල් ග්ලැඩියේටර්ස් කණ්ඩායමේ සුවිශේෂී ක්රීඩකයා ලෙසත් තෝරා ගෙන තිබෙනවා.
කැන්ඩි වොරියර්ස් කණ්ඩායමේ සුවිශේෂී ක්රීඩකයා වන්නේ කොදෙව් ක්රීඩක රොව්මන් පවෙල්.
දකුණු අප්රිකාවේ ඉම්රාන් තහීර් සිය කණ්ඩායමේ සුවිශේෂී ක්රීඩකයා ලෙස තෝරා ගනු ලැබුවේ දඹුල්ල ජයන්ට්ස් කණ්ඩායමයි.
මෙවර තරගාවලියට අදාළ ක්රීඩකයින් තෝරා ගැනීමේ කටයුතු මේ වන විට සිදු කෙරෙමින් පවතිනවා.
මෙවර තරගාවලියට එක්වන කණ්ඩායම් 5 –
- ජැෆ්නා කිංග්ස් (Jaffna Kings)
- කලම්බු ස්ටාර්ස් (Colombo Stars)
- ගෝල් ග්ලැඩියේටර්ස් (Galle Gladiators)
- කැන්ඩි වොරියර්ස් (Kandy Warriors)
- දඹුල්ල ජයන්ට්ස් (Dambulla Giants)