ක්‍රිකට් ක්‍රීඩාවෙන් සමු ගන්නා බවට පලවන වාර්තා ගැන අවිශ්කගෙන් ප්‍රකාශයක්
ජාත්‍යන්තර ක්‍රිකට් පිටියේ කිසිදු තරග රටාවකින් සමු ගැනීමට තමාගේ කිසිදු අදහසක් නොමැති බව ශ්‍රී ලංකා ක්‍රිකට් ක්‍රීඩක අවිශ්ක ප්‍රනාන්දු පවසනවා.
ට්විටර් පණිවිඩයක් නිකුත් කරමින් ඔහු ඒ බව සදහන් කළා.
භානුක රාජපක්ෂ ජාත්‍යන්තර ක්‍රිකට් පිටියෙන් සමු ගැනීමට තීරණය කළ පසුබිමක අවිශ්ක ප්‍රනාන්දු ද ජාතන්තර ක්‍රිකට් පිටියෙන් සමු ගන්නා බවට සමාජ මාධ්‍ය ඔස්සේ පල වෙමින් ඇති ප්‍රචාර පිළිබද අදහස් දක්වමින් අවිශ්ක මේ බව කියා සිටියා.
එවැනි අසත්‍ය තොරතුරු ප්‍රචාරය කරන සමාජ මාධ්‍ය පිටු පරිශීලනය කිරීමෙන් හා එවැනි අසත්‍ය තොරතුරු විශ්වාස කිරීමෙන් වලකින ලෙසයි අවිශ්ක ප්‍රනාන්දු සිය ට්විටර් ගිණුමේ වැඩිදුරටත් සදහන් කර ඇත්තේ.
Hi guys, I have no intentions of retiring from any format of cricket. Please don't follow or believe this gossip social media pages.
— Avishka Fernando (@Avishka28) January 6, 2022