ක්ලාසන්ගේ 174 න් වාර්තා වූ 416 හමුවේ ඔස්ට්‍රේලියාවට දැවැන්ත පරාජයක්
Match Report
හෙන්රික් ක්ලාසන් පන්දු 83 කින් වාර්තා කළ වේගවත් ලකුණු 174 හමුවේ සංචාරක ඔස්ට්‍රේලියානු කණ්ඩායම සමග පැවැති සිව්වැනි එක්දින ක්‍රිකට් තරගයෙන් ලකුණු 164 ක ජයක් වාර්තා කිරීමට දකුණු අප්‍රිකා කණ්ඩායම සමත් වුණා. ඒ අනුව දෙරට අතර පැවැත්වෙන තරග 5 කින් යුත් එක්දින තරගාවලිය තරග 2-2 ක් ලෙස කණ්ඩායම් දෙකම මේ වන විට සම මට්ටමේ පසුවනවා.
සෙන්චූරියන් හී දී පැවැති තරගයේ කාසියේ වාසිය දිනූ ඔස්ට්‍රේලියානු කණ්ඩායම පළමුව පන්දුවට පහර දීමට දකුණු අප්‍රිකාවට කළ ආරාධනාවට ප්‍රබල ප්‍රතිචාරයක් දැක් වූ දකුණු අප්‍රිකා පිතිකරුවන් නියමිත පන්දුවාර 50 අවසන් කළේ කඩුලු 5 ක් දැවී ලකුණු 416 ක දැවැන්ත ලකුණු පුවරුවක් නිර්මාණය කරමින්.
ක්ලාසන්ගේ සුපිරි ඉනිමට හයේ පහර හා හතරේ පහර 13 බැගින් ඇතුළත් වුණා. ඩේවිඩ් මිලර් නොදැවී ලකුණු 82 ක් රැස් කළේ පන්දු 45කින්. ඒ, හයේ පහර 5 ක් හා හතරේ පහර 6ක් සමගින්.
රසී වැන් ඩර් ඩසන් ලකුණු 62 යි. පන්දු යැවීමේ දී ජොෂ් හේසල්වුඩ් ලකුණු 79 කට කඩුලු 2 ක් දවා ගත්තා.
පිළිතුරු ඉනිම ක්‍රීඩා කළ ඔස්ට්‍රේලියාවට පන්දුවාර 34.5 ක් අවසානයේ සියලු දෙනා දැවී ලබා ගත හැකි වූයේ ලකුණු 252 ක් පමණයි.
ඇලෙක්ස් කෙරී පන්දු 77 කින් ලකුණු 99ක් ලබා සිටියදී දැවී ගියා. හයේ පහර 4 ක් හා හතරේ පහර 9ක් ඔහුගේ ඉනිමට ඇතුළත්.
පන්දු යැවීමේදී ලුන්ගි එන්ගිඩී කඩුලු 4ක් හා කාගිසෝ රබාඩා කඩුලු 3ක් දවා ගත්තා.
Rabada to Carey, out Caught by de Kock!!
RSA 416/5 (50)
AUS 252 (34.5)South Africa won by 164 runs#SAvAUS #AUSvSA #SAvsAUS #AUSvsSA pic.twitter.com/wQNwDTJFdQ
— MrDeepak (@X_MrDeepak) September 15, 2023