ක්‍රීඩාවේ ජීව ගුණයට හිමි ICC සම්මානය ලකුණක් ප්‍රතික්ෂේප කළ මිචෙල්ට
ක්‍රීඩාවේ ජීව ගුණය වෙනුවෙන් පිරිනමන මෙවර අයි.සී.සී සම්මානය (ICC Spirit of Cricket Award) හිමි කර ගැනීමට නවසීලන්තයේ ඩැරල් මිචෙල් සමත්ව තිබෙනවා.
ඒ, 2021 පන්දුවාර 20යි 20 ලෝක කුසලාන ක්‍රිකට් තරගාවලියේ අවසන් පූර්ව තරගයේ දී ක්‍රීඩාවේ ජීව ගුණය ආරක්ෂා කිරීම සදහා ඔහු සිදු කළ සුවිශේෂී ක්‍රියාව හේතුවෙන්.
ක්‍රීඩාවේ ජීව ගුණය වෙනුවෙන් පිරිනමන අයි.සී.සී සම්මානය හිමි කර ගත් සිව්වැනි නවසීලන්ත ක්‍රීඩකයා වන්නේ ඩැරල් මිචෙල්.
මීට පෙර ඩැනියල් විටෝරි, බ්‍රෙන්ඩන් මැකලම් හා කේන් විලියම්සන් යන නවසීලන්ත ක්‍රීඩකයින් ද මෙම සම්මානය හිමි කර ගෙන තිබුණා.
20යි 20 ලෝක කුසලාන තරගාවලිය යටතේ එංගලන්තයට එරෙහිව පැවැති අවසන් පූර්ව තරගයේ දී පහසුවෙන් ලබා ගත හැකිව තිබූ ලකුණක් ක්‍රීඩාවේ ජීව ගුණය ආරක්ෂා කර ගැනීමේ අරමුණින් ඩැරල් මිචෙල් විසින් ප්‍රතික්ෂේප කිරීම හේතුවෙනුයි මෙම සම්මානය ඔහුට පිරිනැමීමට ජගත් ක්‍රිකට් කවුන්සලය කටයුතු කර ඇත්තේ.
අදාළ තරගයේ නවසීලන්ත ඉනිමේ 18 වැනි පන්දුවාරයේ පළමු පන්දුව අඩිල් රෂීඩ් විසින් යොමු කිරීමෙන් අනතුරුව පිතිකරණයේ නිරතව සිටි ජේම්ස් නීෂම් විසින් පන්දු යවන්නාගේ අන්තය දෙසටම පහරක් එල්ල කරනු ලැබුවා.
අනතුරුව පන්දුව රැක ගැනීම සදහා අඩිල් රෂීඩ් විසින් දැඩි උත්සාහයක නිරත වූ නමුත්, පන්දු යවන්නාගේ අන්තයේ රැදී සිටි ඩැරල් මිචෙල්ගෙන් ඔහුට බාධා එල්ල වූ බැවින් පන්දුව නතර කර ගැනීමට රෂීඩ්ට හැකි වූයේ නැහැ.
ඒ හේතුවෙත් ඉතා පහසුවෙන් ලකුණක් කරා දිව යාමට නවසීලන්ත පිතිකරුවන් දෙදෙනාට අවස්ථාව ලද නමුත්, තරගයේ ජය දෙපිලටම දෝලනය වෙමින් පැවැති එම අවස්ථාවේ දී අදාළ ලකුණ ප්‍රතික්ෂේප කිරීමට ඩැරල් මිචෙල් කටයුතු කළා. (එම සිදුවීමට අදාළ දර්ශන පහතින්)
— cric sl (@cricslvideo) February 2, 2022