ක්‍රිකට් ලෝක කුසලානය ශ්‍රී ලංකාවට ; ප්‍රේක්ෂකයින්ටත් නැරඹීමේ අවස්ථාව
2023 ලෝක කුසලාන එක්දින ක්‍රිකට් තරගාවලියේ ශූරයින්ට පිරිනමන ශූරතා කුසලානය ලොව වටා රැගෙන යාමේ චාරිකාව යටතේ කුසලානය හෙට(14) දිනයේ දී ශ්‍රී ලංකාවට රැගෙන ඒමට නියමිතව තිබෙනවා.
ඒ අනුව ශූරතා කුසලානය නැරඹීම සදහා ප්‍රේක්ෂකයින්ට ද අවස්ථාව ලබා දීමට පියවර ගෙන ඇති බවයි ශ්‍රී ලංකා ක්‍රිකට් ආයතනය නිවේදනය කළේ.
කොළඹ ලෝක වෙළද මධ්‍යස්ථානයේ දී ශූරතා කුසලානය නැරඹීම සදහා පෙරවරු 9 සිට පස්වරු 2 දක්වා දක්වා අවස්ථාව පවතිනවා.
අනතුරුව පස්වරු 3 සිට රාත්‍රී 8 දක්වා One Galle Face හී දී එය ප්‍රදර්ශනය කිරීමට නියමිතයි.
අනිද්දා (15) දිනයේ දී ශූරතා කුසලානය මාධ්‍ය වෙත ප්‍රදර්ශනය කිරීම සිදු වන්නේ නායක දසුන් ශානකගේ සහභාගීත්වයෙනුයි.
රටවල් 20කට අධික සංඛ්‍යාවකට කුසලානය රැගෙන යාමෙන් පසුව එය මෙලෙස ශ්‍රී ලංකාවට රැගෙන ඒම සිදු වනවා.
ශ්‍රී ලංකා අදියරෙන් පසුව ශූරතා කුසලානය තරගාවලියේ සත්කාරකත්වය හිමි ඉන්දියාව වෙත රැගෙන යාමට නියමිතයි.
ලෝක කුසලානය ලොව වටා රැගෙන යාමේ චාරිකාව ආරම්භ කෙරුණේ පසුගිය ජූනි 27 වැනිදායි. වායු ගෝලයේ ස්ථරයක් වන අපරිවර්තී ගෝලය (stratosphere) වෙත කුසලානය රැගෙන යමින් කුසලාන චාරිකාව නිල වශයෙන් ආරම්භ කිරීමට කටයුතු යොදා තිබුණා.