කලකට පසු රෂීඩ් ඛාන් එක්දින පිටියට කැදවයි

දකුණු අප්‍රිකාව සමග එක්සත් අරාබි එමීර් රාජ්‍යයේ දී පැවැත්වීමට නියමිත එක්දින ක්‍රිකට් තරගාවලිය සදහා වන ඇෆ්ඝනිස්තාන සංචිතය නම් කර තිබෙනවා.

හෂ්මතුල්ලාහ් ශහීඩිගේ නායකත්වයෙන් යුත් සංචිතයට ක්‍රීඩකයින් 17 දෙනෙකු ඇතුළත්.

සුපිරි පා දග පන්දු යවන ක්‍රීඩක රෂීඩ් ඛාන් ද මෙම සංචිතයට නම් කර තිබීම විශේෂත්වයක්. ඔහු 2023 එක්දින ලෝක කුසලාන ක්‍රිකට් තරගාවලියෙන් පසුව මෙතෙක් කිසිදු එක්දින තරගයක් ක්‍රීඩා කර නැහැ.

රෂීඩ් ඛාන් 2023 ලෝක කුසලානයෙන් පසුව පිට කොන්ද ආශ්‍රිත ශල්‍යකර්මයකට මුහුණ දුන් අතර, ඒ හේතුවෙන් ඔහුට මාස හතරක පමණ කාලයක් ක්‍රිකට් පිටියෙන් ඉවත් වීමට සිදු වුණා. ආබාධ තත්ත්වයක් හේතුවෙන් ඔහුට මේ වන විට ටෙස්ට් ක්‍රිකට් පිටියෙන් ද විවේක ගන්නා ලෙසටයි වෛද්‍ය උපදෙස් ලැබී ඇත්තේ.

මේ අතර, ආබාධවලට ලක්වීම හේතුවෙන් මුජීබ් උර් රහ්මාන්, ඊබ්‍රහීම් සඩ්‍රාන් හා නූර් අහ්මඩ්ට දකුණු අප්‍රිකාවට එරෙහි තරගාවලිය අහිමි වී තිබෙනවා.

මෙතෙක් එක්දින ජාත්‍යන්තර වරම් දිනා නොමැති Bilal Sami, Darwish Rasooli හා Abdul Malik යන ක්‍රීඩකයින් ද සංචිතයට ඇතුළත්.

දෙරට අතර පැවැත්වෙන තරග 3කින් යුත් එක්දින තරගාවලිය සැප්තැම්බර් 18 වැනිදා සාජා හී දී ආරම්භ වීමට නියමිතයි.

Afghanistan squad for South Africa ODIs

Hashmatullah Shahidi (c), Rahmat Shah, Rahmanullah Gurbaz, Ikram Alikhil, Abdul Malik, Riaz Hassan, Darwish Rasooli, Azmatullah Omarzai, Mohammad Nabi, Gulbadin Naib, Rashid Khan, Nangeyalia Kharote, AM Ghazanfar, Fazalhaq Farooqi, Bilal Sami, Naveed Zadran, Fareed Ahmad