Ultimate magazine theme for WordPress.

කඩුලු ත්‍රිත්වයක් දවා ගනිමින් වනිදු හසරංග LPL ඉතිහාසයට එක් වෙයි

ලංකා ප්‍රිමියර් ලීග් ක්‍රිකට් තරගාවලි ඉතිහාසයේ පළමු කඩුලු ත්‍රිත්වය දවා ගත් පන්දු යවන්නා බවට පත් වීමට කැන්ඩි ෆැල්කන්ස් කණ්ඩායමේ නායක වනිදු හසරංග අද(6) සමත් වුණා.

මෙවර තරගාවලියේ දෙවැනි තරගයේ දී කලම්බු ස්ටාර්ස් කණ්ඩායමට එරෙහිව කඩුලු ත්‍රිත්වයක් බිද හෙලමිනුයි ඔහු මෙලෙස ඉතිසාහගත වුණේ.

තරගයේ පළමුව පන්දුවට පහරදුන් කැන්ඩි ෆැල්කන්ස් කණ්ඩායම නියමිත පන්දුවාර 20 තුළ කඩුල්ලක් දැවී ලකුණු 199 ක් රැස් කළා. ඒ, ඇන්ඩ්‍රි ෆ්ලෙචර් නොදැවී ලබා ගත් ලකුණු 102 න් ශක්තිමත් වෙමින්.

කලම්බු ස්ටාර්ස් කණ්ඩායම පිළිතුරු ඉනිම ක්‍රීඩා කිරීමේ දී ඉනිමේ 7 වැනි පන්දුවාරයේ දී යි වනිදු හසරංග විසින් කඩුලු ත්‍රිත්වයක් දවා ගත්තේ.

ඔහුගේ පන්දු හමුවේ පිළිවෙලින් දැවී ගියේ දිනේෂ් චන්දිමාල්, Benny Howell හා සීක්කුගේ ප්‍රසන්න යන ක්‍රීඩකයින්.

Leave a comment