ඔස්ට්‍රේලියාව ලකුණු 27ක් පිටුපසින්
Day 4 Report
සංචාරක ඔස්ට්‍රේලියානු කණ්ඩායම හා පාකිස්තාන කණ්ඩායම අතර පැවැත්වෙන පළමු ටෙස්ට් ක්‍රිකට් තරගයේ සිව්වැනි දිනය අද(7) නිමා වුණේ තරගය ජය පරාජයෙන් තොරව අවසන් වීමට වැඩි අවස්ථාවක් උදා කරමින්.
දිනය නිමා වන විට සිය පළමු ඉනිම ක්‍රීඩා කරමින් සිටි ඔස්ට්‍රේලියාව කඩුලු 7ක් දැවී ලකුණු 449ක් ලබා සිටියා.
උස්මාන් කවාජා ලකුණු 97කටත්, මර්නස් ලබුෂේන් ලකුණු 90කටත්, ස්ටීවන් ස්මිත් ලකුණු 78කටත් දැවී ගියා.
පන්දු යැවීමේ දී නවුමන් අලී කඩුලු 4ක් දවා ගත්තා.
රාවල්පින්ඩිහි පැවැත්වෙන තරගයේ පළමුව පන්දුවට පහරදුන් පාකිස්තානය සිය පළමු ඉනිම අත්හිටුවීමට තීරණය කළේ කඩුලු 4ක් දැවී ලකුණු 476ක් ලබා සිටියදීයි.
ඒ, අසාර් අලී රැස් කළ ලකුණු 185 න් හා ඉමාම් උල් හක් ලබා ගත් ලකුණු 157 න් සවිමත් වෙමින්.
ඒ අනුව ඔස්ට්‍රේලියාව මේ වන විට තවත් ලකුණු 27ක් පිටුපසින් පසුවනවා.