එංගලන්ත සංචිතයට තවත් දෙදෙනෙකු ඇතුළත් කෙරේ

බටහිර ඉන්දීය කොදෙව් තරග සංචාරය සදහා වන එංගලන්ත සීමිත පන්දුවාර සංචිතයට ජෝර්ඩන් කොක්ස් හා රෙහාන් අහ්මඩ් නම් කර තිබෙනවා.

එම ක්‍රීඩකයින් දෙදෙනාම මේ වන විට පාකිස්තාන තරග සංචාරයේ නිරත එංගලන්ත සංචිතය සමග රැදී සිටින අතර, රෙහාන් අහ්මඩ් පාකිස්තානයට එරෙහි තෙවැනි ටෙස්ට් තරගය සදහා ද ක්‍රීඩා කරමින් සිටිනවා.

රාවල්පින්ඩිහීදී අද(24) ආරම්භ වූ තෙවැනි ටෙස්ට් තරගයේ පළමු දිනයෙන් පසුව ජෝර්ඩන් කොක්ස් එංගලන්තය බලා පිටත්ව යාමට නියමිතයි. එංගලන්ත ක්‍රීඩකයින් කොදෙව් දූපත් බලා පිටත්ව යාමට නියමිතව ඇත්තේ ලබන සදුදා දිනයේදීයි.

රෙහාන් අහ්මඩ් ප්‍රමාද වී කොදෙව් දූපත් වෙත ළගා වීමට නියමිත අතර, ඒ අනුව ඔහුට තරග 3 කින් යුත් එක්දින තරගාවලියේ පළමු තරගය අහිමි වීමට ඉඩ තිබෙනවා.

පළමු එක්දින තරගය ඔක්තෝබර් 31 වැනිදා පැවැත්වීමට නියමිතයි. තරග 5 කින් යුත් විස්සයි 20 තරගාවලිය ආරම්භ වන්නේ නොවැම්බර් 9 වැනිදායි.

තුන් ඉරියව් ක්‍රීඩක ලියම් ලිවින්ග්ස්ටන් පළමු වරට මෙම තරග සංචාරයේදී එක්දින කණ්ඩායමේ නායකයා ලෙස කටයුතු කිරීමට නියමිතයි. ඒ, පාදයක ආබාධයක් හේතුවෙන් ජොස් බට්ලර්ට එක්දින තරගාවලිය අහිමි වීම හේතුවෙන්.

England ODI and T20I squads: Jos Buttler (captain, T20Is only), Rehan Ahmed, Jofra Archer, Jacob Bethell, Jafer Chohan, Jordan Cox, Sam Curran, Will Jacks, Liam Livingstone (ODI captain), Saqib Mahmood, Dan Mousley, Jamie Overton, Adil Rashid, Phil Salt, Reece Topley, John Turner.

Schedule :

1st ODI: Antigua, October 31
2nd ODI: Antigua, November 2
3rd ODI: Barbados, November 6
1st T20I: Barbados, November 9
2nd T20I: Barbados, November 10
3rd T20I: St Lucia, November 14
4th T20I: St Lucia, November 16
5th T20I: St Lucia, November 17