එංගලන්තයේ අවසන් කඩුලු 6 ලකුණු 35 කට දැවී යයි
Lunch Report
ශ්‍රී ලංකාව හා එංගලන්තය අතර ලන්ඩන් නුවර ඕවල් ක්‍රීඩාංගනයේ පැවැත්වෙන තෙවැනි හා අවසන් ටෙස්ට් ක්‍රිකට් තරගයේ දෙවැනි දිනය අදයි(7).
දිනය ආරම්භ කරන විට ශ්‍රී ලංකාවේ ආරාධනයෙන් පළමුව පන්දුවට පහර දෙමින් සිටි එංගලන්තය කඩුලු 3 ක් දැවී ලකුණු 221 ක් ලබා සිටි අතර, එංගලන්ත ඉනිමේ සියලු දෙනා ලකුණු 325 කට සීමා කිරීමට ශ්‍රී ලංකා පන්දු යවන්නන් සමත් වුණා.
ඔලී පෝප් ලකුණු 154 ක් රැස් කළේ හයේ පහර 2 ක් හා හතරේ පහර 19 ක් සමගින්. බෙන් ඩකට් ලකුණු 86 යි. සෙසු කිසිදු පිතිකරුවෙකු ලකුණු 20 සීමාව පසු කළේ නැහැ.
එංගලන්ත ඉනිමේ අවසන් කඩුලු 6 ලකුණු 35 ක් තුළ බිද වැටීම කැපී පෙනුණා.
පන්දු යැවීමේ දී මිලාන් රත්නායක ලකුණු 56 කට කඩුලු 3 ක් දවා ගත්තා. විශ්ව ප්‍රනාන්දු, ලහිරු කුමාර හා ධනංජය ද සිල්වා අතරේ කඩුලු 2 බැගින් බෙදී ගියා.
දිවා ආහාරය සදහා තරගය නතර කරන විට සිය පළමු ඉනිම ක්‍රීඩා කරමින් සිටි ශ්‍රී ලංකාව කිසිදු කඩුල්ලක් නොදැවී එක් ලකුණක් ලබා සිටියා.