Ultimate magazine theme for WordPress.

ඇෆ්ඝනිස්තාන 20යි 20 නායකත්වය රෂීඩ් ඛාන්ට

ඇෆ්ඝනිස්තාන පන්දුවාර 20යි 20 ක්‍රිකට් කණ්ඩායමේ නව නායකයා ලෙස දග පන්දු යවන ක්‍රීඩක රෂිඩ් ඛාන් පත් කර තිබෙනවා.

නජිබුල්ලාහ් සඩ්රාන් කණ්ඩායමේ උප නායකයා ලෙස පත් කළ බවයි එරට ක්‍රිකට් ආයතනය නිවේදනය කළේ.

20යි 20 නායකත්වය මෙතෙක් පුරප්පාඩු වී පැවතුණේ තරග රටා ත්‍රිත්වයේම නායකයා ලෙස කටයුතු කළ අස්ගර් ඇෆ්ඝන් අදාළ ධූරයෙන් ඉවත් කිරීමට පසුගිය මාසයේ දී ඇෆ්ඝනිස්තාන ක්‍රිකට් ආයතනය කටයුතු කිරීම හේතුවෙන්.

ටෙස්ට් සහ එක්දින කණ්ඩායමේ නව නායකයා ලෙස හෂ්මටුල්ලාහ් ශහිඩී (Hashmatullah Shahidi) පත් කිරීමටත්, උප නායකයා ලෙස රහ්මට් ශාහ් පත් කිරීමටත් ඇෆ්ඝනිස්තාන ක්‍රිකට් ආයතනය පසුව පියවර ගත් නමුත් 20යි 20 කණ්ඩායම සදහා නායකයෙකු මෙතෙක් පත් කර තිබුණේ නැහැ.

රෂීඩ් ඛාන් මීට පෙර ද ඇෆ්ඝනිස්තාන කණ්ඩායමේ නායකයා ලෙස තරග රටා ත්‍රිත්වයේ දී ම කටයුතු කර තිබුණා.

ඔහුගේ නායකත්වය යටතේ ඇෆ්ඝනිස්තානය තරග 16ක් ක්‍රීඩා කළ අතර, ඉන් තරග 6ක් ජයග්‍රහනය කිරීමට සමත් වුණා.

You might also like
logo