Ultimate magazine theme for WordPress.

U19 CWC Update : ඇෆ්ඝනිස්තානය ලකුණු 134කට සීමා වෙයි

බටහිර ඉන්දීය කොදෙව් දූපත්හි පැවැත්වෙන 2022 වයස අවුරුදු 19න් පහළ ලෝක කුසලාන එක්දින ක්‍රිකට් තරගාවලියේ සිව්වැනි අර්ධ අවසන් පූර්ව තරගය (Super League Quarter-Final 4) මේ වන විට පැවැත්වෙනවා.

ඒ, ශ්‍රී ලංකා යොවුන් කණ්ඩායම හා ඇෆ්ඝනිස්තාන යොවුන් කණ්ඩායම අතරයි.

තරගයේ කාසියේ වාසිය දිනූ ශ්‍රී ලංකාව පළමුවෙන් පන්දු යැවීමටයි තීරණය කළේ.

ඒ අනුව පිටියට පිවිසි ඇෆ්ඝනිස්තානය පන්දුවාර 47.1 ක් අවසානයේ සියලු දෙනා දැවී ලබා ගත්තේ ලකුණු 134ක් පමණයි.

ඔවුන්ගේ ඉනිම එක් අවස්ථාවක කිසිදු කඩුල්ලක් නොදැවී ලකුණු 24ක් ලෙස සටහන්ව තිබූ නමුත්, ලකුණු 26 වන විට ඔවුන්ගේ ඉනිමේ කඩුලු 4ක් දැවී ගියා.

අනතුරුව 5 වන කඩුල්ල සදහා ලකුණු 47ක සබදතාවයක් ගොඩ නැගීමට Abdul Hadi හා Allah Noor සමත් වුණා.

ඉනිමේ වැඩිම ලකුණු ලාභියා වූ Abdul Hadi ලකුණු 37ක් රැස් කළ අතර, නූර් අහ්මඩ් ලකුණු 30ක් ලබා ගත්තා.

විශිෂ්ඨ පන්දු යැවීමක නිරත වූ විනුජ රන්පුල් ලකුණු 10කට කඩුලු 5ක් දවා ගත්තා.

නායක දුනිල් වෙල්ලාලගේ කඩුලු 3ක් බිද හෙලූ අතර, ට්‍රෙවීන් මැතිව් හා යසිරු රොද්‍රිගෝ කඩුල්ල බැගින් බිද හෙලුවා.

Leave a comment
logo