Ultimate magazine theme for WordPress.

ආසියානු කුසලානයේ වැඩිම ලකුණුලාභියා තරගාවලියෙන් ඉවතට

ADVERTISEMENT

බංග්ලාදේශ පිතිකරු නජ්මුල් හොසේන් ශන්ටෝට මෙවර ආසියානු කුසලාන එක්දින ක්‍රිකට් තරගාවලියේ ඉතිරි තරග ක්‍රීඩා කිරීමේ අවස්ථාව අහිමි වී තිබෙනවා.

ඒ, ඔහු ඇෆ්ඝනිස්තානය සමග පැවැති තරගයේ දී පාදයකට ආබාධයකට ලක් වීම හේතුවෙන්.

එම තරගයේ දී විශිෂ්ඨ ශතකයක් වාර්තා කරමින් සිය කණ්ඩායමට ජයග්‍රාහී මාවත විවර කිරීමට ද ඔහු සමත් වුණා.

එළඹෙන ලෝක කුසලාන ක්‍රිකට් තරගාවලිය සදහා ඔහුව සුදුසු යෝග්‍යතාවයකින් පසු කර ගැනීමේ අරමුණින් ඔහුව කඩිනමින් යළි බංග්ලාදේශයට කැදවා ගැනීමට නියමිත අතර, අනතුරුව නජ්මුල් හොසේන් සිය පුනරුත්තාපන කටයුතු ආරම්භ කරනු ඇති.

ඔහු වෙනුවට ලිටොන් දාස් බංග්ලාදේශ සංචිතයට ආදේශ කිරීමටයි පියවර ගෙන ඇත්තේ.

ලිටොන් දාස් පළමුව සංචිතයට ඇතුළත්ව සිටියද, පසුව ඔහු අසනීප තත්ත්වයකින් පසු වීම නිසා තරගාවලියෙන් ඉවත් කෙරුණා.

නමුත්, අනතුරුව ඔහු සම්පූර්ණ සුවය ලැබීමත් සමග බංග්ලාදේශ සංචිතය සමග එක්වීම සදහා ඊයේ(5) පාකිස්තානයේ ලාහෝර් නුවර වෙත පිටත්ව ගියා.

නජ්මුල් හොසේන් ශන්ටෝ පාකිස්තානයට එරෙහි ශතකයට පෙර ශ්‍රී ලංකාවට එරෙහිව ද වටිනා ලකුණු 89 ක් රැස් කිරීමට සමත් වුණා.

මේ වන විට මෙවර තරගාවලියේ දී ලකුණු 193 ක් රැස් කර ඇති ඔහු තරගාවලියේ වැඩිම ලකුණුලාභියා ද වනවා.

Leave a comment