ආසියානු කුසලානයේ ප්රවේශ පත්ර අලෙවිය ගැන නිවේදනයක්
ආසියානු කුසලාන එක්දින ක්රිකට් තරගාවලියේ පාකිස්තාන අදියරේ තරග සදහා ප්රවේශ පත්ර අලෙවි කිරීම හෙට(12) සිට ආරම්භ වන බව පාකිස්තාන ක්රිකට් ආයතනය පවසනවා.
ඒ අනුව ප්රවේශ පත්ර pcb.bookme.pk යන වෙබ් ලිපිනයට පිවිස ලබා ගත හැකි බවයි එරට ක්රිකට් ආයතනය නිවේදනය කළේ.
වසර 15 කට පසුව ආසියානු කුසලාන තරගාවලියක සත්කාරකත්වය දැරීමට පාකිස්තානයට අවස්ථාව හිමිව ඇති බැවින් ප්රවේශපත්ර මිල දැරිය හැකි මිලකට ප්රේක්ෂකයින්ට ලබා දීමට පියවර ගන්නා බවයි පාකිස්තාන ක්රිකට් ආයතනය වැඩිදුරටත් කියා සිටියේ.
2023 ආසියානු කුසාලන තරගාවලිය අගෝස්තු 30 වැනිදා සිට සැප්තැම්බර් 17 වැනිදා දක්වා පාකිස්තානයේ දී හා ශ්රී ලංකාවේ දී පැවැත්වීමට නියමිතයි.
ශ්රී ලංකාවේ පැවැත්වෙන තරගවල ප්රවේශ පත්ර මිලදී ගත හැකි ආකාරය ඉදිරියේ දී දැනුම් දීමට නියමිත බව ද පාකිස්තාන ක්රිකට් ආයතනය සදහන් කළා.
තරගාවලියේ සමාරම්භක තරගය පාකිස්තානය හා නේපාලය අතර මුල්තාන් හී දී පැවැත්වීමට නියමිතයි.
තරගාවලිය යටතේ ශ්රී ලංකාව ක්රීඩා කරන පළමු තරගය බංග්ලාදේශයට එරෙහිව අගෝස්තු 31 වැනිදා මහනුවර දී පැවැත්වීමට නියමිතව තිබෙනවා.
ලොව පුරා බොහෝ දෙනෙකුගේ අවධානය දිනූ පාකිස්තානය හා ඉන්දියාව අතර තරගය පැවැත්වෙන්නේ සැප්තැම්බර් දෙවැනිදා මහනුවර දී යි.
පාකිස්තානය, ඉන්දියාව හා නේපාලය A කාණ්ඩයෙන් ද, ශ්රී ලංකාව, බංග්ලාදේශය හා ඇෆ්ඝනිස්තානය B කාණ්ඩයෙන් ද ආසියානු කුසලාන තරගාවලියේ දී ක්රීඩා කිරීමට නියමිතව තිබෙනවා.