අවිශ්කට මාස 3ක් ක්‍රිකට් අහිමි වෙයි
ශ්‍රී ලංකා ක්‍රිකට් ක්‍රීඩක අවිශ්ක ප්‍රනාන්දුට මාස කිහිපයක කාලයක් ක්‍රිකට් පිටියෙන් ඉවත් වීමට සිදුව ඇති බව වාර්තා වනවා.
මේ වන විට ඔස්ට්‍රේලියානු තරග සංචාරයක නිරතව සිටින ශ්‍රී ලංකා සංචිතය සමග රැදී සිටින ඔහු පුහුණුවීම් අතරතුර දී දණහිසක ආබාධයකට ලක්ව ඇති බවයි newswire වෙබ් අඩවිය වාර්තා කර ඇත්තේ.
ඒ අනුව අවිශ්ක ප්‍රනාන්දු බොහෝ විට එරට දී ම ශල්‍යකර්මයකට ද මුහුණ දීමට නියමිතව ඇති බව සදහන්.
ආබාධය සම්පූර්ණයෙන් සුව වීම සදහා අවම වශයෙන් මාස 3ක පමණ කාලයක් ගත වනු ඇති.
මේ වන විට නුවන් තුෂාර හා රමේෂ් මෙන්ඩිස් ද ඔස්ට්‍රේලියාවේ දී ආබාධවලට ලක්ව ඇති අතර, වනිදු හසරංගට හා බිනුර ප්‍රනාන්දුට ක්‍රීඩා කිරීමේ අවස්ථාව අහිමි වී ඇත්තේ කොවිඩ් 19 ආසාදනය වීම හේතුවෙන්.