අනතුරකට මුහුණ දුන් ස්මිත්ට 20යි 20 තරගාවලියේ ඉතිරි තරග අහිමි වෙයි
ඔස්ට්‍රේලියානු සුපිරි පිතිකරු ස්ටීව් ස්මිත්ට ශ්‍රී ලංකාව සමග පැවැත්වීමට නියමිත ඉතිරි පන්දුවාර 20යි 20 තරග 3 ක්‍රීඩා කිරීමේ අවස්ථාව අහිමි වී තිබෙනවා.
ඒ, දෙරට අතර පැවැති දෙවැනි 20යි 20 තරගයේ දී පන්දු රකිමින් සිටියදී ඔහු මුහුණ දුන් අනතුර හේතුවෙන්.
තරගයේ ශ්‍රී ලංකා ඉනිමේ අවසන් පන්දුවාරයේ දී හයේ පහරක් නතර කිරීම සදහා ස්මිත් විසින් දැඩි උත්සාහයක නිරත වූ අතර, එහිදී ඔහුගේ හිස ඉතා තදින් පොලොවෙහි ගැටීමක් සිදු වුණා.
එම අනතුර හේතුවෙන් ස්මිත් මේ වන විට යම් කම්පන තත්ත්වයකට ගොදුරුව ඇති බවත්, සම්පූර්ණයෙන් ඔහු යථා තත්ත්වයට පත්වීම සදහා සතියක පමණ කාලයක් ගත වනු ඇති බවත් සදහන්.
කෙසේ වෙතත්, ස්මිත් වෙනුවට වෙනත් ක්‍රීඩකයෙකු සංචිතයට ආදේශ කිරීමට කටයුතු නොකරන බව ද ඔස්ට්‍රේලියානු ක්‍රිකට් ආයතනය සදහන් කළා.
දෙරට අතර පැවති දෙවැනි 20යි 20 තරගයෙන් ඔස්ට්‍රේලියාව ජය වාර්තා කළේ සුපිරි පන්දුවාරයේ දී යි.
ඒ අනුව ඔවුන් මේ වන විට තරග 5කින් යුත් තරගාවලිය තරග 2-0ක් ලෙස පෙරමුණ ගෙන සිටිනවා.
Steve Smith putting his body on the line! 💪
The Australian manages to walk away after a hard knock on the head while fielding.
He's just disappointed the six was awarded! 😅#AUSvSL pic.twitter.com/3PQihB5yNn
— Cricket on BT Sport (@btsportcricket) February 13, 2022