අදින් ඇරඹෙන LPL තරගාවලිය ලොව පුරා විකාශය වෙන්නේ මෙහෙමයි
ලංකා ප්රිමියර් ලීග් ක්රිකට් තරගාවලියේ තෙවැනි අදියර අද (6) සිට ආරම්භ කිරීමට සියලු කටයුතු සූදානම් කර තිබෙනවා.
තරගාවලිය මෙවර හම්බන්තොට මහින්ද රාජපක්ෂ ජාත්යන්තර ක්රිකට් ක්රීඩාංගනය, මහනුවර පල්ලේකැලේ ජාත්යන්තර ක්රීඩාංගනය හා කොළඹ ආර්. ප්රේමදාස ක්රීඩාංගනය යන ක්රීඩාංගනවලදී පැවැත්වීමට නියමිතයි.
එළඹෙන 8 වැනිදා දක්වා පැවැත්වෙන තරග හම්බන්තොට දී ද, එළඹෙන 10 වැනිදා සිට 14 වැනිදා දක්වා පැවැත්වෙන තරග මහනුවර දී ද, එළඹෙන 17 වැනිදා සිට 23 වැනිදා පැවැත්වෙන අවසන් මහා තරගය දක්වා වන තරග කොළඹ දී ද පැවැත්වීමට නියමිතව තිබෙනවා.
ALSO READ : LPL තරගාවලියේ ප්රවේශ පත්ර මිලදී ගන්නේ මෙහෙමයි
තරගාවලියේ පළමු තරගය අද පස්වරු 3 ට ආරම්භ වන්නේ පසුගියවර ශූරතාවය දිනූ ජැෆ්නා කිංග්ස් කණ්ඩායම හා අනුශූරතාවය දිනූ ගෝල් ග්ලැඩියේටර්ස් කණ්ඩායම අතරයි.
තරගාවලියේ දෙවැනි තරගය අද රාත්රී 7.30 ට කොළඹ හා මහනුවර කණ්ඩායම් අතර පැවැත්වීමට නියමිතයි.
තරගාවලියේ මෙරට දේශීය රූපවාහිනී විකාශන අයිතිය හිමි කර ගෙන ඇත්තේ අද දෙරණ 24 නාලිකාවයි.
ALSO READ : LPL තරගාවලියේ නායකයින් හා පුහුණුකරුවන් මෙන්න
එමෙන්ම Sony ක්රීඩා මාධ්ය ජාලය ඔස්සේ ද තරගාවලිය නැරඹිය හැකියි. (Sony Sports Ten 1, Sony Sports Ten 5 HD, Ten Cricket) (ලොව පුරා තරගාවලිය විකාශය කෙරෙන අයුරු පහතින් දක්වා ඇත)
අද දෙරණ යූටියුබ් නාලිකාව ඔස්සේ ද තරගාවලිය සජීවීව විකාශය කිරීමට කටයුතු සූදානම් කර තිබෙනවා.
මෙවර ලංකා ප්රිමියර් ලීග් තරගාවලිය අගෝස්තු පළමු වැනිදා සිට 21 වැනිදා දක්වා පැවැත්වීමටයි මීට පෙර නියමිතව තිබුණේ.
ALSO READ : ක්රීඩාංගන 3 කදී පැවැත්වෙන LPL තරග කාලසටහන
කෙසේ වෙතත්, රට තුළ පවතින ආර්ථික අර්බුදය පදනම් කර ගනිමින් තරගාවලියේ සංවිධාන කටයුතු සිදු කරන ඉනෝවේටිව් ප්රඩක්ෂන් ගෘප් (Innovative Production Group) හෙවත් IPG ආයතනය විසින් කළ ඉල්ලීමක් සලකා බලා ශ්රී ලංකා ක්රිකට් ආයතනය තරගාවලිය කල් දැමීමට තීරණය කළා.
