8th Match, Dambulla Aura beat Colombo Strikers by 10 runs

By Editor-in-chief On 2023-08-05 | 3:00 pm

192/6 vs 182/4

Dambulla Aura won by 10 runs

Recap

නුවනිදුගේ සටන අපතේ යයි ; මෙන්ඩිස්-සධීරගේ ප්‍රහාරය දඹුල්ලට ජය ගෙනෙයි

කුසල් මෙන්ඩිස්ගේ හා සධීර සමරවික්‍රමගේ විශිෂ්ඨ පිතිහරඹය හමුවේ මෙවර ලංකා ප්‍රිමියර් ලීග් ක්‍රිකට් තරගාවලියේ 8 වැනි තරගයෙන් කලම්බු ස්ට්‍රයිකර්ස් කණ්ඩායම පරදා ලකුණු 10 ක ජයක් වාර්තා කිරීමට දඹුල්ල අවුරා කණ්ඩායම අද(5) සමත් වුණා.

තරගයේ කාසියේ වාසිය දිනූ ස්ට්‍රයිකර්ස් පිලේ ආරාධනයෙන් පළමුව පන්දුවට පහරදුන් දඹුල්ල කණ්ඩායම නියමිත පන්දුවාර 20 අවසන් කළේ කඩුලු 6 ක් දැවී ලකුණු 192 ක් ලබා ගනිමින්. පිළිතුරු ඉනිම ක්‍රීඩා කළ ස්ට්‍රයිකර්ස් පිලට පන්දුවාර 20 අවසානයේ දී කඩුලු 4 ක් දැවී ලබා ගත හැකි වූයේ ලකුණු 182 ක් පමණයි.

නිරෝෂන් දික්වැල්ල ලකුණු 16(8) කට දැවී ගිය අතර, බාබාර් අසාම් ලකුණු 41(24) යි. පැතුම් නිස්සංක ලකුණු 22(28)කට දැවී ගියා. ධනංජය ලක්ෂාන් ලකුණු 18(15) යි.

නුවනිදු ප්‍රනාන්දු පන්දු 39 කින් නොදැවී ලකුණු 56 ක් රැස් කරමින් සිය කණ්ඩායම ජයග්‍රහනය කරා රැගෙන යාමට දැඩි උත්සාහයක නිරත වූ නමුත් එය සාර්ථක වූයේ නැහැ. ඔහුගේ ඉනිමට හයේ පහර 4ක් හා හතරේ පහර 4 ක් ඇතුළත්. චාමික කරුණාරත්න නොදැවී ලකුණු 20 ක් ලබා ගත්තේ පන්දු 7කින්. හයේ පහර 2ක් හා හතරේ පහරක් ඔහුගේ ඉනිමට ඇතුළත්.

Watch : සධීර හා ප්‍රවීන් මුහුණ දුන් දරුණු අනතුර මෙන්ම

පන්දු යැවීමේ දී නූර් අහ්මඩ් ලකුණු 34 කට කඩුලු 2 ක් දවා ගත්තා.

පළමුව පන්දුවට පහරදුන් දඹුල්ල කණ්ඩායම වෙනුවෙන් නායක කුසල් මෙන්ඩිස් ලකුණු 87(46) ක් හා සධීර සමරවික්‍රම ලකුණු 59 (35) ක් රැස් කිරීමට සමත් වුණා. කුසල්ගේ ඉනිමට හයේ පහර 8ක් හා හතරේ පහර 4 ක් ද, සධීරගේ ඉනිමට හයේ පහරක් හා හතරේ පහර 7ක් ද ඇතුළත් වුණා.

Watch : මෙන්ඩිස්ට එරෙහි උඩ පන්දුවට තෙවන විනිසුරුගෙන් ආන්දෝලනාත්මක තීන්දුවක්

ඔවුන් දෙදෙනා අතර දෙවැනි කඩුල්ලට ගොඩ නැගුණු සම්බන්ධතාවය ලකුණු 120 (64) ක්.

පන්දු යැවීමේ දී මතීෂ පතිරණ ලකුණු 31 කට කඩුලු 3 ක් හා නසීම් ශාහ් ලකුණු 21 කට කඩුලු 2 ක් බිද හෙලුවා.

Details

Date	Season
2023-08-05 \| 3:00 pm	2023

Venue

Pallekele International Cricket Stadium, Kandy

Results

Team	Runs	Wickets Lost	Overs	Outcome
Dambulla	192	6	20	Win
Colombo	182	4	20	Loss