කැරබියන් දූපත් හී දී පැවැත්වෙන නවතම පන්දුවාර 10 තරගාවලියක් වන THE 6IXTY තරගාවලියේ 09 වන තරගය නිමාව දුටුවේ ට්‍රින්බෑගෝ නයිට් රයිඩර්ස් කණ්ඩායමට ලකුණු 3 ක තියුණු ජයග්‍රහණයක් හිමිකරදෙමින්.
එම ජයත් සමග මෙම තරගාවලියේ අවසන් පූර්ව වටයේ සිය ස්ථානය තහවුරු කර ගැනීමට ද නයිට් රයිඩර්ස් කණ්ඩායම සමත්වුණා.
තරගයේ කාසියේ වාසිය දිනූ ශාන්ත කිට්ස් ඇන්ඩ් නෙවිස් පැට්‍රියෝට්ස් කණ්ඩායමේ ආරාධනය මත ප්‍රථමයෙන් පන්දුවට පහරදුන් ට්‍රින්බෑගෝ නයිට් රයිඩර්ස් කණ්ඩායම නියමිත පන්දුවාර 10 තුළ කඩුලු 05 ක් දැවී ලකුණු 155 ක් රැස්කර ගැනීමට සමත්වුණා.
වේගවත් ඉනිමක් දියත් කළ ඇන්ඩ්‍රේ රසල් පන්දු 24 කදී ලබා ගත් ලකුණු සංඛ්‍යාව 72 ක්.
පන්දු පහකට පමණක් මුහුණ දුන් සීක්කුගේ ප්රසන්න හයේ පහරවල් 3 ක් සමගින් ලකුණු 19 ක් රැස් කිරීමට සමත්වුණා.
ඔහු මුහුණ දුන් ප්‍රථම පන්දු 3 තුළදී එම හයේ පහරවල් 3 එල්ල කිරීම ද විශේෂත්වයක්.
ලකුණු 156 ක ඉලක්කයක් හඹා ගිය ශාන්ත කිට්ස් ඇන්ඩ් නෙවිස් පැට්‍රියෝට්ස් කණ්ඩායමට නියමිත පන්දුවාර 10 තුළ රැස් කර ගැනීමට හැකියාව ලැබුණේ කඩුලු 4 ක් දැවී ලකුණු 152 ක් පමණයි.
— cric fun (@cric12222) August 28, 2022