ඉන්දීය ප්‍රිමියර් ලීග් ක්‍රිකට් තරගාවලියේ 13 වැනි තරගය මුම්බායිහි වන්කඩේ ක්‍රීඩාංගණයේ දී අද(5) රාත්‍රියේ ආරම්භ වුණා.
ඒ, කුමාර් සංගක්කාර පුහුණුකාරීත්වය දරන රාජස්ථාන් රෝයල්ස් කණ්ඩායම හා වනිදු හසරංග ක්‍රීඩා කරන රෝයල් චැලෙන්ජර්ස් බැංගලෝර් කණ්ඩායම අතරයි.
තරගයේ කාසියේ වාසිය දිනූ බැංගලෝර් පිල පළමුව පන්දු යැවීමට තීරණය කළා.
ඒ අනුව පිටියට පිවිසි රාජස්ථාන් කණ්ඩායම නියමිත පන්දුවාර 20 අවසානයේ කඩුලු 3ක් දැවී ලකුණු 169ක් රැස් කළා.
ජොස් බට්ලර් පන්දු 47කින් නොදැවී ලකුණු 70ක් ලබා ගත්තා.
පන්දු යැවීමේ දී ඩේවිඩ් විලී, වනිදු හසරංග හා හර්ෂාල් පටෙල් එක් කඩුල්ල බැගින් බිද හෙලුවා.
වනිදු විසින් දවා ගත්තේ රාජස්ථාන් නායක සංජු සැම්සන්ගේ කඩුල්ලයි. (දර්ශන පහතින්)
වනිදු විසින් 20යි 20 පිටියේ දී සංජු සැම්සන්ව දවා ගත් සිව්වැනි අවස්ථාව මෙය වීම ද විශේෂත්වයක්.
ඉනිම් 5කදී වනිදුට එරෙහිව සංජු පන්දු 15ක් තුළ රැස් කර ගෙන ඇත්තේ ලකුණු 8ක් පමණයි.
— cric fun (@cric12222) April 5, 2022