27 හැවිරිදි ඉන්දීය වේග පන්දු යවන ක්‍රීඩක ආකාශ් දීප් අද(23) දිනයේ ටෙස්ට් වරම් දිනා ගනිමින් එංගලන්තයට එරෙහි සිව්වැනි ටෙස්ට් ක්‍රිකට් තරගයේ දී විශිෂ්ඨ පන්දු යැවීමක නිරත වීමට සමත් වුණා.
රංචි හී දී ආරම්භ වූ මෙම තරගයේ දී කාසියේ වාසිය දිනූ එංගලන්තය පළමුව පන්දුවට පහරදීමට තීරණය කළ අතර, මොහමඩ් සිරාජ් සමගින් ඉන්දියාව වෙනුවෙන් පන්දු යැවීම ආරම්භ කළේ ආකාශ් දීප්.
සිය පළමු පන්දුවාර 7 තුළ දී අනර්ඝ පන්දු යැවීමක් ප්‍රදර්ශනය කළ ඔහු එහිදී කඩුලු තුනක් දවා ගත්තා.
ඔහු සිය දෙවැනි පන්දුවාරයේ දී ම සැක් ක්‍රව්ලි දවා ගැනීමට ඉතා ආසන්න වූයේ විශිෂ්ඨ පන්දුවක් යොමු කරමින්. එහිදී පන්දුව කෙළින්ම කඩුල්ලේ වැදුණු නමුත්, එම පන්දුව නිපන්දුවක් වීම නිසා ඔහුට සිය මංගල ටෙස්ට් කඩුල්ල දෙවැනි පන්දුවාරයෙන්ම දවා ගැනීමට තිබූ අවස්ථාව අහිමි වූ බව අප මීට පෙර ඔබට තොරතුරු වාර්තා කළා.
Watch : දෙවැනි පන්දුවාරයේ දී ම ආකාශ් දවා ගත් මංගල ටෙස්ට් කඩුල්ල නිපන්දුවකට බිලි වූ හැටි
කෙසේ වෙතත්, සිය උත්සාහය අත් නොහැරූ ආකාශ් තම 5 වැනි පන්දුවාරයේ දී බෙන් ඩකට්ගේ (ලකුණු 11) කඩුල්ල දවා ගනිමින් සිය මංගල ටෙස්ට් කඩුල්ල බිද හෙලුවා.
ඉන් නොනැවතුණ ඔහු සිය කඩුලු දඩයමට තවත් කඩුල්ලක් එම පන්දුවාරයේ දී ම එක් කර ගත්තා. ඒ, ඔලී පෝප් ලකුණු නොලබා සිටියදී දවා ගනිමින්.
සිය 6 වැනි පන්දුවාරයේ දී ද ක්‍රියාත්මක වූ ආකාශ් දීප් තම තෙවැනි කඩුල්ල ලෙස සැක් ක්‍රව්ලි දවා ගත්තා. ඒ, තම දෙවැනි පන්දුවාරයේ දී ඔහුට එරෙහිව යොමු කළ සුපිරි පන්දුව (නිපන්දුවක් වූ) හා සමාන පන්දුවක් යොමු කරමිනුයි.
ඒ අනුව ආකාශ් දවා ගත් කඩුලු තුනම පන්දු 11 ක් තුළ ඔහු බිද හෙලීම ද කැපී පෙනුණා.
ආකාශ් දීප් දවා ගත් කඩුලු තුන පහතින් නරඹන්න –
WWW 🤝 Akash Deep!
Follow the match ▶️ https://t.co/FUbQ3Mhpq9#TeamIndia | #INDvENG | @IDFCFIRSTBank pic.twitter.com/YANSwuNsG0
— BCCI (@BCCI) February 23, 2024