UP Warriorz කණ්ඩායමේ නායිකා Alyssa Healy සිය දකුණු පාදයේ ආබාධයක් හේතුවෙන් එළඹෙන කාන්තා ප්‍රිමියර් ලීග් (WPL) ක්‍රිකට් තරගාවලියෙන් ඉවත් වීමට තීරණය කර තිබෙනවා.
එංගලන්තය සමග පැවැති අළුබදුන තරග මාලාව 16-0 ක් ලෙස ජය ගැනීමෙන් අනතුරුවයි ඇය ඒ බව තහවුරු කළේ.
WPL තරගාවලියේ පළමු අදියර දෙකේදී Warriorz කණ්ඩායම මෙහෙයවනු ලැබුවේ ඇය විසිනුයි.
මාර්තු මාසය අවසානයේදී ඔස්ට්‍රේලියානු කණ්ඩායම නවසීලන්තයේදී තරග 3 කින් යුත් විස්සයි 20 තරගාවලියක් ක්‍රීඩා කිරීමට නියමිත අතර, එම තරගාවලිය සදහා ද ඇයගේ සහභාගීත්වය අවිනිශ්චිත බව සදහන්.
UP Warriorz කණ්ඩායම මෙතෙක් Alyssa Healy වෙනුවට වෙනත් ක්‍රීඩිකාවක් ආදේශ කර නොමැති අතර, නව නායිකාවක් ද පත් කිරීමට ඔවුන්ට සිදු වනවා.