සංචාරක ශ්රී ලංකා A කණ්ඩායම සහ ඕස්ට්රේලියා A කණ්ඩායම අතර පැවැත්වෙන පළමු නිල නොවන ටෙස්ට් තරගයේ 3 වන දිනයෙදී ඉතාමත් විශිෂ්ට ගණයේ උඩ පන්දු රැකගැනීමක් වාර්තා කිරීමට සොනාල් දිනුෂ සමත්වුනා.
ඩාර්වින් හී දී ආරම්භ වු මෙම තරගයේ පළමුවෙන් පන්දුවට පහරදුන් ශ්රී ලංකා කණ්ඩායම ප්රථම ඉනිමට සියල්ලන් දැවී ලකුනු 272 ක් රැස්කිරීමට සමත්වුනා. එහිදී අනර්ඝ ශතක ඉනිමක නිරත වු සොනාල් දිනූෂ පන්දු 148 ක් තුල නොදැවී ලකුනු 105 ක් රැස්කිරීමට සමත්වුනා.
එයට පිළිතුරු ලෙස ඕස්ට්රේලියා A කණ්ඩායම සියලු දෙනා දැවී ප්රථම ඉනිමට රැස්කල ලකුනු සංඛ්යාව 486 ක්. නේතන් මැක්ස්විනි සහා ලියාම් ස්කොට් ලකුනු 94 බැගින් රැස්කලා.
පිත්තෙන් මෙන්ම පන්දුවෙන්ද දක්ෂතා දැක් වූ සොනාල් දිනූෂ කඩුලු 4 ක් බිඳ හෙලුවා. ප්රමෝද් මධුශාන් කඩුලු 3 ක්ද නිශාන් පීරිස් කඩුලු 2 ක් ද දවා ගත්තා.
තෙවන දිනය නිමාවට පත්වන විට සිය දෙවන ඉනිම ක්රීඩා කරන ශ්රී ලංකා කණ්ඩායම එක් කඩුල්ලක් බිඳ වැටී රැස්කර සිටි ලකුනු සංඛ්යාව 49 ක්.
— cric sl (@cricslvideo) July 15, 2025