කැරිබියන් ප්‍රිමියර් ලීග් ක්‍රිකට් තරගාවලියේ 28 වැනි තරගයේ දී විශිෂ්ඨ පන්දු යැවීමක නිරත වෙමින් ලකුණු 35 කට කඩුලු 3 ක් දවා ගැනීමට බාර්බඩෝස් රෝයල්ස් කණ්ඩායමේ මහීෂ් තීක්ෂණ අද(28) සමත් වුණා.
ට්‍රිනිඩෑඩ්හි පැවැති තරගයේ දී ඔවුන්ගේ ප්‍රතිවාදීන් වූයේ ට්‍රින්බැගෝ නයිට් රයිඩර්ස් කණ්ඩායමයි. මෙම තරගයෙන් නයිට් රයිඩර්ස් කණ්ඩායම ලකුණු 30 ක ජයක් වාර්තා කළා.
තරගයේ පළමුව පන්දුවට නයිට් රයිඩර්ස් පිල කඩුලු 7 ක් දැවී ලකුණු 175 ක් ලබා ගත් අතර, පිළිතුරු ඉනිම ක්‍රීඩා කළ රෝයල්ස් කණ්ඩායමට කඩුලු 9ක් දැවී රැස් කර ගත හැකි වූයේ ලකුණු 145 ක් පමණයි.
තීක්ෂණගේ පන්දු හමුවේ දැවී ගියේ ජේසන් රෝයි, කයිරන් පොලාඩ් හා අන්ඩ්‍රි රසල් යන පිතිකරුවන්.