මෙවර පන්දුවාර විස්සයි 20 ලෝක කුසලාන ක්‍රිකට් තරගාවලියේ 5 වැනි තරගයෙන් ලකුණු 125 ක විශිෂ්ඨ ජයක් වාර්තා කිරීමට ඇෆ්ඝනිස්තාන කණ්ඩායම අද(4) සමත් වුණා.
ගයානාහි Providence ක්‍රීඩාංගනයේ පැවැති තරගයෙන් ඔවුන් හමුවේ දරුණු පරාජයකට මුහුණ දුන්නේ උගන්ඩා කණ්ඩායමයි.
තරගයේ පළමුව පන්දුවට පහරදුන් ඇෆ්ඝනිස්තානය කඩුලු 5 ක් දැවී ලකුණු 183 ක් රැස් කළ අතර, පිළිතුරු ලෙස උගන්ඩාවට පන්දුවාර 16 ක් අවසානයේ සියලු දෙනා දැවී ලබා ගත හැකි වූයේ ලකුණු 58 ක් පමණයි.
ඇෆ්ඝනිස්තානය වෙනුවෙන් රහ්මනුල්ලාහ් ගුර්බාස් ලකුණු 76(45) ක් රැස් කළේ හයේ පහර හා හතරේ පහර 4 බැගින් එල්ල කරමින්. ඊබ්‍රහීම් සඩ්‍රාන් ලකුණු 70(46) ක් ලබා ගත්තා. ඔවුන් දෙදෙනා පළමු කඩුල්ලට පන්දුවාර 14.3 ක් තුළ ගොඩ නැගූ සම්බන්ධතාවය ලකුණු 154 ක්.
පිළිතුරු උගන්ඩා ඉනිමේ වැඩිම ලකුණුලාභියා වූයේ ලකුණු 14 ක් රැස් කළ Robinson Obuya. පන්දු යැවීමේ දී ෆසල්හක් ෆරූකි ලකුණු 9කට කඩුලු 5 ක් දවා ගත්තා.
මෙම ජයත් සමග C කාණ්ඩයේ පෙරමුණ හිමි කර ගැනීමට ඇෆ්ඝනිස්තානය සමත්ව සිටින්නේ 6.250 ක ඉහළ ශුද්ධ ලකුණු වේගයක් ද හිමි කර ගනිමින්.
[team_standings 59914]
[team_standings 59912]
[team_standings 59913]
[team_standings 59915]