කණ්ඩායම් හයකගේ සහභාගීත්වයෙන් මහනුවර පල්ලේකැලේ ක්‍රීඩාංගනයේදී පැවැත්වෙන ලංකා T10 සුපර් ලීග් ක්‍රිකට් තරගාවලියට ක්‍රීඩා කරන ගෝල් මාර්වල්ස් කණ්ඩායමේ හිමිකරු වන ඉන්දීය ජාතිකයෙකු අත්අඩංගුවට ගෙන ඇති බව ලංකාදීප පුවත්පත වාර්තා කර තිබෙනවා.
ක්‍රීඩා වැරැදි වැළැක්වීමේ විශේෂ විමර්ශන ඒකකය විසින් ඔහුව අත්අඩංගුවට ගෙන ඇති බවයි එම පුවත්පත වාර්තා කර ඇත්තේ.
තරගාවලියට ක්‍රීඩා කරන බටහිර ඉන්දීය කොදෙව් ක්‍රීඩකයෙකු හට මුදලට තරග පාවා දෙන ලෙසට යෝජනා කිරීම හේතුවෙන් මෙම සැකකරු අත්අංගුවට ගෙන ඇති බව සදහන්.
අත්අඩංගුවට ගැණුනු සැකකරු අද රාත්‍රියේදී කොළඹට රැගෙන ඒමට නියමිත බවත්, හෙට දිනයේදී අධිකරණය හමුවට ඉදිරිපත් කිරීමට නියමිතව ඇති බවත් වාර්තාවනවා.
මීට පෙර 2024 ලංකා ප්‍රිමියර් ලීග් ක්‍රිකට් තරගාවලියට ක්‍රීඩා කිරීමට නියමිතව සිටි දඹුල්ල තන්ඩර්ස් කණ්ඩායමේ හිමිකරු වූ Tamim Rahman ද ක්‍රීඩා වැරැදි වැළැක්වීමේ විශේෂ විමර්ශන ඒකකය විසින් අත්අඩංගුවට ගෙන තිබුණා. ඒ, LPL තරගාවලියට අදාළව දූෂණ චෝදනා යටතේයි.
Another team owner arrested for corruption. At least Sri Lanka have the laws to do this. Too many countries don’t and that makes it hard to protect the game. This also shows the importance of due diligence on team owners.
— Steve Richardson (@Steve_Rich100) December 12, 2024