එළඹෙන බංග්ලාදේශ ප්‍රිමියර් ලීග් ක්‍රිකට් තරගාවලියට අදාළ ක්‍රීඩකයින් තෝරා ගැනීමේ කටයුතු හෙවත් ක්‍රීඩකයින් කෙටුම්පත් කිරීම (Draft) අද(14) සිදු කෙරුණා.
Comilla Victorians, Durdanto Dhaka හා Chattogram Challengers යන කණ්ඩායම් මෙවර තරගාවලියෙන් ඉවත් වීමට තීරණය කළ අතර, ඒ අනුව නව කණ්ඩායම් 3ක් තරගාවලියට එක් කිරීමටයි පියවර ගැනුණේ.
එම කණ්ඩායම් 3 වන්නේ, Dhaka Capitals, Durbar Rajshahi හා Chittagong Kings යන කණ්ඩායම් තුනයි. Fortune Barishal, Sylhet Strikers, Khulna Tigers, හා Rangpur Riders යන කණ්ඩායම් සුපුරුදු පරිදි එළඹෙන BPL තරගාවලියට ද ක්‍රීඩා කරනවා.
ක්‍රීඩක කෙටුම්පත් කිරීම අවසන් වීමෙන් පසුව මේ වන විට මෙවර බංග්ලාදේශ ප්‍රිමියර් ලීග් තරගාවලිය සදහා ක්‍රීඩා කිරීමට නියමිතව ඇති ශ්‍රී ලංකා ක්‍රීඩකයින් සංඛ්‍යාව 5 ක්.
එහිදී විශේෂත්වය වන්නේ ‘Timed Out’ ක්‍රමවේදය ඔස්සේ 2023 එක්දින ලෝක කුසලාන ක්‍රිකට් තරගාවලියේ දී ඇන්ජෙලෝ මැතිව්ස්ව දවා ගැනීමට මුල් වූ ශකිබ් අල් හසාන් මෙන්ම ශ්‍රී ලංකා කණ්ඩායමේ බංග්ලාදේශ තරග සංචාරයේ දී පළමුව ‘Timed Out’ සැමරුම් ක්‍රමවේදයෙන් කඩුල්ලක් සැමරූ ශොරිෆුල් ඉස්ලාම් යන ක්‍රීඩකයින් තිදෙනාම චිතගොං කිංග්ස් සංචිතයට ඇතුළත්ව සිටීමයි.
BPL තරගාවලියට ක්‍රීඩා කිරීමට නියමිත ශ්‍රී ලංකා ක්‍රීඩකයින් –
- Durbar Rajshahi – ලහිරු සමරකෝන්
- Dhaka Capitals – තිසර පෙරේරා
- Fortune Barisal – පැතුම් නිස්සංක
- Chittagong Kings – බිනුර ප්‍රනාන්දු, ඇන්ජෙලෝ මැතිව්ස්