පාකිස්තාන වේග පන්දු යවන ක්රීඩක මොහොමඩ් හස්නයින්ට යළිත් ජාත්යන්තර පිටියේ දී පන්දු යැවීමේ අවස්ථාව හිමිව තිබෙනවා.
ඒ, ඔහුගේ පන්දු යැවීමේ ඉරියව්ව සම්බන්ධයෙන් පසුගිය 21 වැනිදා පාකිස්තානයේ ලාහෝර් නුවර දී සිදු කෙරුණු පරීක්ෂණයේ දී ඔහුගේ පන්දු යැවීමේ ඉරියව්ව නිවැරැදි බව අනාවරණය වීම හේතුවෙන්.
22 හැවිරිදි හස්නයින්ගේ පන්දු යැවීමේ ඉරියව්ව සැක සහිත බවට පසුගිය ජනවාරි මාසයේ දී චෝදනා එල්ල වුණේ ඔස්ට්රේලියානු බිග් බෑෂ් ලීග් තරගාවලිය අතරතුර දී යි.
අනතුරුව පෙබරවාරි මාසයේ දී ඔහුට ජාත්යන්තර ක්රිකට් පිටියේ දී පන්දු යැවීමේ තහනමක් පැනවීමට කටයුතු කෙරුණා.
මේ වන විට පාකිස්තානය වෙනුවෙන් ජාත්යන්තර තරග 26කට ක්රීඩා කර ඇති හස්නයින්, එහිදී කඩුලු 29ක් දවා ගැනීමට සමත්ව තිබෙනවා.