සංචාරක දකුණු අප්රිකා A කණ්ඩායම හා ශ්රී ලංකා A කණ්ඩායම අතර පැවැත්වෙන දෙවැනි සිව්දින ක්රිකට් තරගය අද(19) කොළඹ පී සරා ඕවල් ක්රීඩාංගනයේ දි ආරම්භ වුණා.
තරගයේ කාසියේ වාසිය දිනූ ශ්රී ලංකා A කණ්ඩායම පළමුවෙන් පන්දුවට පහර දීමට තීරණය කළ අතර, වර්ෂාව සහිත අයහපත් කාළගුණ තත්ත්වය හේතුවෙන් අද දිනයේ දී ක්රියාත්මක කිරීමට හැකි වූයේ පන්දුවාර 66 ක් පමණයි.
දිනය නිමා වන විට සිය පළමු ඉනිම වෙනුවෙන් ශ්රී ලංකා A කණ්ඩායම කඩුලු 7 ක් දැවී ලබා සිටි ලකුණු සංඛ්යාව 257 ක්.
ආරම්භක පිතිකරුවන් වූ නිශාන් මදුෂ්ක ලකුණු 33 කට හා ලසිත් කෘෘස්පුල්ලේ ලකුණු 27 කට දැවී ගියා.
මිනෝද් භානුක ලකුණු 32 ක් ද, පසිදු සූරියබණ්ඩාර ලකුණු 41 ක් ද ලබා ගනිමින් මැද පෙල ශක්තිමත් කළා. කෙසේ වෙතත්, නායක කමිදු මෙන්ඩිස් එක් ලකුණකට දැවී ගියා.
ලහිරු උදාර ලකුණු 33 ක් රැස් කළ අතර, ලක්ෂිත මනසිංහ ලකුණු 13 යි. රමේෂ් මෙන්ඩිස් නොදැවී ලකුණු 38 ක් හා මිලාන් රත්නායක නොදැවී ලකුණු 29 ක් ලබා කඩුල්ලේ රැදී සිටිනවා.
යළිත් සුපිරි පන්දු යැවීමක නිරත වූ Senuran Muthusamy ලකුණු 101 කට කඩුලු 5 ක් බිද හෙලා තිබෙනවා.