ශ්‍රී ලංකා කණ්ඩායමේ පිතිකරණ පුහුණුකරු ලෙස එංගලන්ත හිටපු ක්‍රීඩක ඉයන් බෙල් පත් කර තිබෙනවා.
මෙවර එංගලන්ත තරග සංචාරය වෙනුවෙන් පමණක් මෙම පත් කිරීම සිදු කර ඇති අතර, ඒ අනුව ඔහු එළඹෙන 16 වැනිදා සිට කණ්ඩායමේ පිතිකරණ පුහුණුකරු ලෙස සිය කටයුතු ආරම්භ කිරීමට නියමිතයි.
අගෝස්තු 21 වැනිදා ආරම්භ වන තරග තුනකින් යුත් ටෙස්ට් තරගාවලිය අවසන් වන තුරු ඔහු එම ධූරයේ කටයුතු කරන බවයි ශ්‍රී ලංකා ක්‍රිකට් ආයතනය සදහන් කළේ.
2020 වසරේ දී ජාත්‍යන්තර පිටියට සමු දීමෙන් පසුව ඉයන් බෙල් පුහුණුකරුවෙකු ලෙස කණ්ඩායම් රැසක කටයුතු කර තිබෙනවා.
එංගලන්ත වයස අවුරුදු 19 න් පහළ පිරිමි කණ්ඩායමේ හා එංගලන්ත ලයන්ස් කණ්ඩායමේ පිතිකරණ පුහුණුකරු ලෙස කටයුතු කර ඇති ඔහු, Hobart Hurricanes කණ්ඩායමේ සහාය පුහුණුකරුවෙකු ලෙසත්, Derbyshire කණ්ඩායමේ උපදේශක පිතිකරණ පුහුණුකරු ලෙසත්, නවසීලන්ත කණ්ඩායමේ සහාය පුහුණුකරුවෙකු ලෙසත් කටයුතු කළා.
Melbourne Renegades කණ්ඩායමේ ද සහාය පුහුණුකරුවෙකු ලෙස කටයුතු කළ ඉයන් බෙල් Birmingham Phoenix කණ්ඩායමේ සහාය පුහුණුකරුවෙකු ලෙස ද කටයුතු කරනවා.
මේ අතර, එංගලන්ත තරග සංචාරය සදහා නම් කෙරුණු ශ්‍රී ලංකා සංචිතයට ඇතුළත්ව සිටින කමිදු මෙන්ඩිස්ට මෙතෙක් එංගලන්තයට පිටත්ව යාම සදහා අවශ්‍ය වීසා බලපත්‍ර ලැබී නොමැති බව වාර්තා වනවා.
ඒ අනුව හෙට(14) ආරම්භ වන සිව්දින පුහුණු තරගය සදහා ක්‍රීඩා කිරීමේ අවස්ථාව ඔහුට අහිමි වනු ඇති.
Middle order batter Kamindu Mendis is yet to reach England as his visa has been delayed. Player of the Series in the team’s last series win will miss the warm-up game against England Lions that gets underway tomorrow in Worcester. He’s expected to join the squad later this week,
— Rex Clementine (@RexClementine) August 13, 2024