මුම්බායි ඉන්දියන්ස් කණ්ඩායම විසින් මෙවර ඉන්දීය ප්‍රිමියර් ලීග් තරගාවලිය වෙනුවෙන් ඔස්ට්‍රේලියානු වේග පන්දු යවන ක්‍රීඩක Riley Meredith සමග ගිවිසුම්ගත වී තිබෙනවා.
ආබාධයකට ලක් වූ ඔස්ට්‍රේලියානු ක්‍රීඩක ජායි රිචර්ඩ්සන් වෙනුවටයි මෙම ආදේශ කිරීම සිදු කර ඇත්තේ.
පාදයක ආබාධයකට ලක්ව සිටීම හේතුවෙන් රිචර්ඩ්සන්ට මෙවර අයි.පී.එල් තරගාවලියෙන් ඉවත් වීමට සිදු වුණා.
Riley Meredith 20 යි 20 ජාත්‍යන්තර තරග 5 ක් ක්‍රීඩා කර ඇති අතර, එහිදී කඩුලු 8 ක් දවා ගෙන තිබෙනවා.
මීට පෙර ඔහු පංජාබ් කිංග්ස් හා මුම්බායි ඉන්දියන්ස් කණ්ඩායම සදහා ක්‍රීඩා කර තිබූ අතර, මෙවර තරගාවලිය වෙනුවෙන් ඔහු ගිවිසුම්ගත වී ඇත්තේ ඉන්දීය රුපියල් කෝටි 1.5 ක මුදලකටයි.
මේ අතර, ඊයේ(5) පැවැති අයි.පී.එල් තරගයේ දී ආබාධයකට ලක් වූ පංජාබ් කණ්ඩායමේ පිතිකරු භානුක රාජපක්ෂගේ ආබාධ තත්ත්වය බරපතල නොවන බව වෛද්‍ය පරීක්ෂණවලින් අනාවරණය වී තිබෙනවා.