සිම්බාබ්වේ කණ්ඩායම සමග පැවැති පළමු පන්දුවාර 20යි 20 ක්‍රිකට් තරගයෙන් කඩුලු 8ක ජයක් වාර්තා කිරීමට සංචාරක බංග්ලාදේශ කණ්ඩායම අද(22) සමත් වුණා.
හරාරේ හී පැවැති තරගයේ පළමුව පන්දුවට පහර දුන් සිම්බාබ්වේ කණ්ඩායමට පන්දුවාර 19ක් අවසානයේ සියලු දෙනා දැවී රැස් කර ගත හැකි වූයේ ලකුණු 152ක් පමණයි.
Regis Chakabva ලකුණු 43ක් ලබා ගත් අතර, පන්දු යැවීමේ දී මුස්ටෆිසුර් රෙහ්මාන් කඩුලු 3ක් බිද හෙලුවා.
පිළිතුරු ඉනිම ක්‍රීඩා කළ බංග්ලාදේශය පන්දුවාර 18.5ක් අවසානයේ කඩුලු 2ක් දැවී ජයග්‍රාහී ඉලක්කය පසු කළා.
මොහොමඩ් නයීම් නොදැවී ලකුණු 63ක් හා සෞම්‍ය සාකාර් ලකුණු 50ක් රැස් කළා.
දැවී ගිය කඩුලු දෙකම දුවද්දී දැවී යාම් ලෙසයි වාර්තා වුණේ.
දෙරට අතර පැවැත්වෙන තරග 3කින් යුත් 20යි 20 තරගාවලියේ දෙවැනි තරගය හෙට (23) පැවැත්වීමට නියමිතයි.