ශ්‍රී ලංකා වේග පන්දු යවන ක්‍රීඩක දුෂ්මන්ත චමීර අද(26) නව වාර්තාවක් පිහිටුවීමට සමත් වුණා.
ඒ, ඉන්දියාව සමග පැවැති දෙවැනි 20යි 20 තරගයේ දී යි.
එහිදී ඉන්දීය නායක රෝහිට් ෂර්මාගේ කඩුල්ල දවා ගනිමින් චමීර මෙම වාර්තාව පිහිටුවනු ලැබුවා.
එය දුෂ්මන්ත චමීර විසින් රෝහිට් ෂර්මාගේ කඩුල්ල ජාත්‍යන්තර 20යි 20 පිටියේ දී දවා ගත් 5 වැනි අවස්ථාවයි.
ඒ අනුව 20යි 20 ජාත්‍යන්තර පිටියේ දී එක් පිතිකරුවෙකුව වැඩිම වාර ගණනකදී දවා ගත් පන්දු යවන්නා ලෙසයි ඔහු අද ඉතිහාසයට එක් වුණේ.
මීට පෙර කිසිදු පන්දු යවන්නෙකු විසින් එක් පිතිකරුවෙකුව 20යි 20 ජාත්‍යන්තර පිටියේ දී අවස්ථා 5ක් දවා ගැනීමට සමත්ව තිබුණේ නැහැ.
මේ වන විට ජාත්‍යන්තර 20යි 20 පිටියේ වැඩිම ලකුණු ලාභියා වන්නේ ද රෝහිට් ෂර්මා (ලකුණු 3308) වීම විශේෂත්වයක්.