තෙවන විනිසුරු නියමිත වේලාවේ දී සිය ආසනය වෙත නොපැමිණීම හේතුවෙන් ඔස්ට්‍රේලියාව හා පාකිස්තානය අතර පැවැත්වෙන දෙවැනි ටෙස්ට් ක්‍රිකට් තරගයේ තෙවැනි දිනය වන අද (28) දිනයේ දිවා ආහාරයෙන් පසුව තරගය ආරම්භ කිරීම මිනිත්තු කිහිපයකින් ප්‍රමාද වුණා.
තෙවන විනිසුරු Richard Illingworth ක්‍රීඩාංගනයේ සෝපානයක (lift) සිරවීම හේතුවෙනුයි ඔහුට නියමිත වේලාවට සිය ස්ථානය වෙත පැමිණීමට නොහැකි වී තිබුණේ.
දිවා ආහාරයෙන් පසුව තරගය එරට වේලාවෙන් පස්වරු 1.25ට ආරම්භ කිරීමට නියමිතව තිබූ නමුත්, තරගය ආරම්භ කිරීම මිනිත්තු 7ක පමණ කාලයක් ප්‍රමාද වුණා.
අනතුරුව සිව්වැනි විනිසුරුවරයා තෙවන විනිසුරුගේ කාර්යය තාවකාලිකව භාර ගත් අතර, ඒ හේතුවෙන් තරගය ආරම්භ කිරීමට පිටියේ විනිසුරුවන් පියවර ගත්තා.
තෙවන විනිසුරුවරයා සිය ආසනය වෙත පැමිණියේ තරගය ආරම්භ වී පන්දු දෙකක් යොමු කිරීමෙන් පසුවයි. (දර්ශන පහතින් නරඹන්න)
මෙල්බර්හී දී පැවැත්වෙන තරගය අද දිනය සදහා ආරම්භ කරන විට සිය පළමු ඉනිම ක්‍රීඩා කරමින් සිටි පාකිස්තානය කඩුලු 6ක් දැවී ලකුණු 194 ක් ලබා සිටි අතර, ඔවුන්ගේ සියලු දෙනා දිවා ආහාරයටත් පෙර දැවී ගියේ මුළු ලකුණු සංඛ්‍යාව 264 ක් ලෙස සටහන්ව තිබියදීයි. ඒ, ඔස්ට්‍රේලියාව පළමු ඉනිමට ලබා ගත් ලකුණු 318 ට පිළිතුරු වශයෙන්.
දිවා ආහාරය සදහා තරගය නතර කරන විට ඔස්ට්‍රේලියාව කඩුලු 2ක් දැවී ලකුණු 6 ක් ලබා සිටියා. ඔස්ට්‍රේලියානු දෙවැනි ඉනිමේ පළමු කඩුලු 4 ලකුණු 16ක් තුළ දැවී යාම ද විශේෂත්වයක්.
A wild Richard Illingworth appeared! #AUSvPAK pic.twitter.com/7Rsqci4whn
— cricket.com.au (@cricketcomau) December 28, 2023
The game is delayed because the third umpire … is stuck in the lift #AUSvPAK pic.twitter.com/eSuKyPQp56
— cricket.com.au (@cricketcomau) December 28, 2023