කාන්තා IPL තරගාවලියේ රූපවාහිනී විකාශන අයිතිය Viacom 18 නාලිකාවට

එළඹෙන කාන්තා ඉන්දීය ප්‍රිමියර් ලීග් ක්‍රිකට් තරගාවලියේ රූපවාහිනී විකාශන අයිතිය හිමි කර ගැනීමට Viacom 18 සමත්ව තිබෙනවා.

පළමු වසර 5 ක කාලය සදහා ඔවුන් එලෙස රූපවාහිනී විකාශන අයිතිය ලබා ගෙන ඇති බවයි ඉන්දීය ක්‍රිකට් පාලක මණ්ඩලයේ ලේකම් Jay Shah සදහන් කළේ.

ඉන්දීය රුපියල් කෝටි 951 ක ලංසුවක් යටතේයි Viacom 18 සමාගම විකාශන අයිතිය ලබා ගෙන ඇත්තේ.

ඒ අනුව එක් තරගයක විකාශන වටිනාකම සටහන් වන්නේ ඉන්දීය රුපියල් කෝටි 7.09 ක් ලෙසයි.

මීට පෙර 2023-27 කාලය සදහා අයි.පී.එල් පිරිමි තරගාවලියේ ඩිජිටල් විකාශන අයිතිය ද හිමි කර ගැනීමට සමත් වුණේ Viacom18 සමාගමයි.