ඉදිර වසරක කාලය සදහා වන පාකිස්තාන කාන්තා ක්‍රිකට් කණ්ඩායමේ ජාත්‍යන්තර තරග කාලසටහන එරට ක්‍රිකට් ආයතනය විසින් නිවේදනය කළා.
ශ්‍රී ලංකා කාන්තා කණ්ඩායමට එරෙහි එක්දින හා 20යි 20 තරගාවලියක් ද එම තරග කාලසටහනට ඇතුළත්.
එම තරග පාකිස්තානයේ රාවල්පින්ඩි හී දී පැවැත්වීමට තීරණය කර තිබෙනවා.
ශ්‍රී ලංකා කාන්තා කණ්ඩායමේ එම තරග සංචාරය මැයි 18 වනදා සිට ජූනි 7 වනදා දක්වා සිදු කිරීමට නියමිතයි.
අයි.සී.සී කාන්තා ශූරතාවලිය (එක්දින) (ICC Women’s Championship cycle) යටතට අයත් ශ්‍රී ලංකා – පාකිස්තාන එක්දින තරගාවලියට තරග 3ක් ඇතුළත් අතර, 20යි 20 තරග 3ක් ද මෙම තරග සංචාරයට ඇතුළත්.
ශ්‍රී ලංකා කණ්ඩායමේ පාකිස්තාන තරග සංචාරය පසුගිය වසරට යෙදී තිබුණ ද පාකිස්තාන ක්‍රිකට් ආයතනයේ පරිපාලනයේ සිදු වෙමින් පැවැති වෙනස්කම් හේතුවෙන් අදාළ සංචාරය මෙම වසරට කල් දැමුණා.
1998 වසරේ සිට ශ්‍රී ලංකා – පාකිස්තාන කාන්තා කණ්ඩායම් අතර තරගාවලි පවත්වා ඇතත්, ශ්‍රී ලංකා කාන්තා කණ්ඩායම ද්විපාර්ශ්වික තරගාවලියක් සදහා මෙතෙක් පාකිස්තාන සංචාරයක නිරත වී නැහැ.
කෙසේ වෙතත්, 2005/06 තරග වාරයේ දී ආසියානු කුසලාන කාන්තා තරගාවලිය සදහා ශ්‍රී ලංකාව එරට සංචාරයක නිරත වී තිබුණා.